Hello，大家好，我哋係由韓國人每日提供最新韓國旅行資訊嘅Creatrip。
奧運比賽到8月8就結束，之後有一系列新劇等住大家煲！今日等小編盤點吓8月有咩新劇好追啦！
8月必追韓劇
The Road：1的悲劇 (더 로드: 1의 비극)
主演：池珍熙、尹世雅、金惠恩
首播：04/08/2021（逢星期三、四）
劇集改編自日本推理小說《一的悲劇》，1係指全國最上層嘅1%，故事講述私生子被綁架撕票之後，由偵探作為第三方嚟證明最強嫌疑人嘅不在場證據，追溯出兩個家庭之間嘅內幕真相，充滿醜惡嘅慾望同秘密。
警察課程 (경찰수업)
主演：車太鉉、鄭振永、鄭秀晶
首播：09/08/2021（逢星期一、二）
講述全力捉捕犯人嘅警察，同頭腦聰明黑客出身嘅犯罪者學生，喺警察大學以教授同學生身份相遇，攜手辦案時所發生嘅一系列搞笑故事。
請確認活動吧 (이벤트를 확인하세요)
主演：方珉雅、權華夽、安秉浩
首播：14/08/2021（逢星期六）
故事講述已經分咗手嘅戀人因為活動中獎，而假扮情侶參加情侶旅行，展開感性愛情嘅故事。
紅天機 (홍천기)
主演：金裕貞、安孝燮、孔明、郭時暘
首播：30/08/2021（逢星期一、二）
以朝鮮為背景，故事講述一位擁有神靈力嘅絕世美人女畫工「紅天機」（金裕貞飾），同失明但識睇天象星座嘅觀象監「河藍」（安孝燮飾），以及風流倜儻嘅陽明大君三人之間嘅奇幻愛情故事。
D.P：逃兵追緝令 (D.P 개의 날)
主演：丁海寅、具高煥、金成鈞
首播：27/08/2021
改編自同名網漫，講述主角由平凡二等兵，變成「逃離軍務逮捕組」，即「D.P.兵」追捕逃兵，面對軍隊中唔合理同混亂嘅青春故事。
海岸村恰恰恰 (갯마을 차차차)
主演：金宣虎、申敏兒
首播：28/08/2021（逢星期六、日）
故事發生喺海邊一個叫「孔鎮」嘅小村莊，女主角係一名牙醫，喺村莊開設牙科診所，男主角喺村莊賺最低時薪、包辦村內所有事務嘅熱血「洪班長」，二人發展嘅浪漫故事。
正在看着你 (暫譯/지켜보고 있다)
主演：金寶羅
首播：8月26號
係一套呈現真實案件嘅犯罪故事電視劇，以CCTV形式，將約會暴力、跟蹤、性犯罪、殺人事件等，同20~30多歲人羣密切相關嘅犯罪瞬間展現出嚟，以社會觀眾嘅角度睇犯罪嘅方式。
睇完奧運，仲有咁多好劇追，大家又會最期待邊一套呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk