住民登錄證有可能用手機替代？
韓國人以後一部手機可以走天下？咩都可以用手機做哂？
황요산
3 years ago
Hello，大家好，我哋係由韓國人每日提供最新韓國旅行資訊嘅Creatrip。
今日（28號）新聞報道指出：「由下年開始，唔需要再帶住民登錄證（주민등록증）（即香港嘅身份證）出街，用手機都可以check到！」
一部手機走天下？
news1
相信大家都知而家科技有幾咁發達，之後喺韓國可能一部手機就可以走天下！今日韓國行政安全部宣布：「喺2022年1月31號前，希望可以推出住民登錄證確認服務。」
即係話之後如果出街，都唔需要再帶住民登陸證（身分證），用手機Apps都可以確認到姓名、住民登錄證號碼、地址等所有資料！
dispatch
只要透過Government24（정부24）進行身份確認，再用住民登錄證QR Code登記就得！佢可以用到嘅用途有好多，去便利店買酒可以用手機確認係咪成年人，搭飛機或者KTX可以確認本人身份，有時需要認證證書同重要資料都可以透過手機一次搞掂。
不過當然如果有啲地方規定要求出示身份證，或者要持有身份驗先得嘅話，大家都係要遵守。
新聞仲提到：「大家唔需要怕手機唔見咗會洩露個人資料，因為呢個apps需要密碼登記（原理上應該係好似e-banking咁），而唔需要儲存任何嘢，大家可以放心使用。」
最後仲提到，如果呢個服務做得好，未來都會透過用智能手機進行唔同服務。
唔通之後喺韓國，韓國人真係一部手機就可以走天下？大家又會點睇呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
