Hello，大家好，我哋係由韓國人每日提供最新韓國旅行資訊嘅Creatrip。
香港早前熱播嘅《大叔的愛》（改編自日本同名電視劇）大家又有冇追呢？喺韓國嘅小編每日都睇到咁多新聞都忍唔住一齊追 係鮮有以同性戀為題嘅劇集，所以一度成為熱話。
喺韓國對於同性戀睇法，其實仲係相當保守，不過喺呢個年代愛無分性別，每人都有權揀愛邊個，今日小編想同大家介紹幾位，曾經向大眾坦白承認「出櫃」嘅藝人。🌈
承認「出櫃」嘅韓國藝人
1. 洪錫天
나무위키
第一位想同大家介紹嘅係韓國首位承認「出櫃」嘅洪錫天，佢係一位model、演員，同時係一位出名嘅廚師，曾經仲係有11間餐廳嘅老闆。佢喺2000年公開自己性取向，坦白自己係鍾意男性。
티브이데일리
偶然喺節目都會見到佢，雖然表面好開心，但其實一開始佢公開自己性取向之後，曾經一度被中斷晒所有節目同廣播。因為當時年代，韓國相對更加保守，佢公開「出櫃」，曾經有唔少網民留言鬧佢，不過隨住時間嘅流逝，電視台都開始解封，佢之前有一直長拍《拜託了冰箱》，同埋間唔中喺各綜藝節目出現。
2. 姜民洙
이데일리
早喺兩星期前，出演《高等Rapper3》拎到亞軍嘅姜民洙喺IG度公開自己係「I'm a bisexual」（저는 양성애자 입니다）」表示自己係雙性戀，當時上傳到IG之後，已經有唔少報道，唔少fans知道之後都留言寫上祝福「就算係咁都會支持你！」、「有勇氣啊！」、「支持你！」等。
한국경제
姜民洙認為「身為性少數者並冇錯，一啲都唔壞同時冇特別，我哋都係普通人，我希望我嘅勇氣可以幫到LGBT嘅大家，我會繼續俾心機生活落去，我、你、我哋、所有人都有資格得到愛。」
3. 愼惠仁
조선일보
愼惠仁曾經出演過韓國綜藝《偶像學校》，佢喺上年IG post咗一張同女性友人嘅親密合照，承認自己係同性戀，佢想公開係因為唔想再隱瞞。
한스경제
佢曾經講過：「每個人都有唔同嘅諗法，可以討厭同性戀，但每個人都會有自己價值觀，我冇強迫你哋要鍾意，我只係唔想隱瞞我哋拍拖嘅事實，冇諗過會有咁大反應，如果有人再傷害我另一半，我有責任保護佢，同埋唔排除會採取法律行動。」
4. Holland
세계일보
2018年出道嘅Holland，佢喺出道當時同時承認自己係同性戀。佢首張單曲仲大膽用同性拍MV，反應仲比預期好！YouTube底下留言好多都係正面，目前都有破千萬views，希望佢可以再出多啲好歌！
네이버
另外佢出櫃後接受訪問時仲講到：「想同大家講，冇問題，一啲事都冇！」，應該係想表達就算承認出櫃都唔會影響到佢生活，想同大家講佢過得好好。
5. 智愛
나무뉴스
智愛曾經係女團WA$$UP出道，佢喺年頭公佈自己係雙性戀，而家有一位好可愛嘅女朋友所以開心。今年7月21號佢同一間新聞公司傾電話講到：「因為當時冇活動又冇公司，所以想平心咁post上story同大家坦白。」
디스패치
公開之後唔少網民都大讚佢勇敢，希望佢可以繼續做自己，要開心！間唔中佢都會post同女友嘅合照，底下都有唔少支持同祝福嘅留言。
愛無分性別，大家都有權揀自己愛嘅人，每個人都值得被愛，加油！🌈
如果有更多想知嘅內容，都可以隨時留言或者dm話俾我哋知：）
Instagram：creatrip.hk