跆拳道世界第一李大勳宣佈退役
世界第一嘅韓國跆拳道國家代表李大勳失去銅牌後，突然宣佈退役
Hello，大家好，我哋係由韓國人每日提供最新韓國旅行資訊嘅Creatrip。
攞過21面獎牌、世界排名第一嘅跆拳道運動員李大勳（이대훈）喺啱啱東京奧運會上失去銅牌之後，被採訪時突然宣布退役。
跆拳道世界第一李大勳宣佈退役
7月25號，韓國國家跆拳道隊代表李大勳（이대훈）喺男子68公斤級比賽中以15比17，輸咗俾中國選手趙帥，無緣攞到獎牌。比賽之後，92年出生，29歲嘅佢接受記者採訪時宣佈「作為運動選手嘅生涯已經結束」，突然拋出震撼嘅退役消息。
佢補充話：「今後會一邊學習，一邊累積訓練方面嘅經驗」、「希望培養優秀選手嘅同時繼續學習咁生活落去，亦希望可以以一位努力奮鬥過嘅運動員被咁被大家記住」。
李大勳係韓國跆拳道嘅代表選手。 目前佢喺男子68公斤級比賽中排名世界第一，被認為係今屆奧運會奪冠嘅熱門，但係比賽首輪就輸咗。喺銅牌爭奪戰中經過幾番對打後，最終失敗，無獎落幕。
過去李大勳包攬咗世錦賽、大獎賽、亞運會等國際比賽上嘅冠軍，獲得21面金牌。 奇怪嘅係，連埋今次，已經參加咗奧運會三次，但都同金牌無緣。倫敦奧運會上參加58公斤級比賽獲得銀牌，里約奧運會上參加68公斤級比賽亦只獲得銅牌，今屆奧運會更係零獎牌。
雖然突然正式宣佈退役，但唔係一時衝動，而係同教練同屋企人商討過後嘅決定。佢講：「如果奧運會係上年舉行嘅話，可以完成埋今年嘅全國體育大會嘅比賽，但係奧運延期咗一年，令計劃有變。」另外，佢對今次嘅比賽亦表示遺憾：「雖然我參加過世錦賽同亞運會，奧運會先係終極目標，但係一次金牌都攞唔到，如果再等下一屆奧運會似乎又太吃力。」
李太勳喺2010年首次入選國家隊，為國家隊效力11年。記者問到印象最深刻嘅時刻時，李大勳答：「高三時被選為亞運會國家代表嘅時候。」、「未來10年，呢一次東京奧運會都會記憶猶新。」，佢仲向家人表達惋惜：「我屋企人比我更加緊張，我想同佢哋講聲多謝」，「我講過要帶一面獎牌返去，唔只對屋企人、對國民都係，做唔到真係好對唔住」。可見李大勳喺退役前達唔到目標，感到相當遺憾同抱歉。
新聞來源： 한국경제
如果有更多想知嘅內容，都可以隨時留言或者dm話俾我哋知：）
Instagram：creatrip.hk
