韓國巫術文化
《黑暗榮耀》入面涎鎮阿媽點解咁信巫術？原來想成為巫師無咁易？
Hello，大家好，我哋係由韓國人每日提供最新韓國旅行資訊嘅Creatrip。
最近韓國Netflix電視劇《黑暗榮耀》受到全城關注，相信好多朋友都有睇過。劇中涎鎮一家經常會去蓮花堂，涎鎮阿媽更加係超級迷信，入面仲有一幕係巫師做法事之後突然猝死！到底韓國嘅巫術文化有咩咁特別，到底呢個只係一個文化定係一個信仰呢？同小編一齊嚟瞭解吓啦！
韓國巫術文化
巫師
韓國嘅巫師係指古代宗教巫俗信仰薩滿教（Shamanism）中，連接神靈同人類嘅司祭，就似現代嘅靈媒。 佢哋進行儀式嘅時候，神會降臨到佢哋身上，將人同神連接起嚟。
한국학중앙연구원
薩滿教所侍奉嘅神唔係唯一嘅神。 古代祖先、自然界嘅精靈、鬼神等唔同地區、唔同時代、唔同巫婆所侍奉嘅神都唔一樣。 冇一個系統概念，而係侍奉各種形態嘅靈魂。
오마이뉴스
巫女（무당）原本只稱呼女性嘅巫俗信仰司祭，男性嘅司祭被稱爲「男巫」（박수）或「覡」（격） 但而家係韓國男巫或女巫都統稱為「巫師」。
巫師嘅工作
오마이뉴스
喺韓國，巫師會通過各種表演為人類祈福，例如一邊搖住原色嘅布，一邊跳舞，或者坐喺度唸咒語，又或者喺鍘刀（작두）、火上跳舞，呢啲儀式叫做「神祭」/「跳大神」（굿）。
mbc
進行神祭嘅目的同種類非常多樣。 巫師主持國家活動嘅時候，就會施行「國家巫術」。 韓劇《擁抱太陽的月亮》中嘅張綠英就係國巫。 為咗家庭或事業繁榮而施行嘅巫術叫做「天神巫術」。 除此之外，仲有為死者冥福嘅安魂祭（진혼굿）、祈求家福嘅「宅神祭」（성주굿）、為患者進行嘅「病祭」（병굿）等各種巫術。
오마이뉴스
韓國人對於呢種巫術分為兩派。 一係覺得係迷信，另一派係覺得係宗教信仰嘅效果。 不過呢兩個立場都認為巫術係一種應該保留嘅傳統文化。雖然現代嘅巫術唔係主流文化，但依然喺全國嘅地方進行緊。 巫師通過進行巫術而獲得收入。 雖然每個巫術都冇規定價格，但聽聞出名嘅巫師每次巫術都可以賺到1000萬韓元（約HKD7萬）。
巫師嘅歷史
나만의 문화유산 해설사
根據巫師進行儀式用嘅工具，青銅鈴鐺，或者青銅鏡等嘅歷史遺物，可以推測到巫師係韓國最早建國嘅古朝鮮時期就已經存在。當時政治同宗教並冇分離，政治領袖會同時履行宗教司祭嘅職責。
後來嘅高句麗、百濟、新羅時代爲止，巫師都係屬於正式嘅社會階級。 當時，國家會舉行同巫俗信仰有關嘅活動。又或者通過儀式預言國家嘅未來，提出解決辦法或治病等等，係非常重要嘅任務，所以當時巫師係社會重要嘅階級同職業。
但由918年到1392年，統治朝鮮半島嘅高麗係崇尚佛教。自然而然，薩滿教嘅作用就大打折扣。 雖然喺老百姓之間仍然進行，但就少咗參與國家嘅政治作用。
朝鮮時代儒學成為國教之後，薩滿教開始遭到冷落。 喺儒學嘅立場上，巫師唔係宗教，而係服務妓生、奴隸、僧人、屠曲、曲藝人等，喺嗰個時代被視為土俗、卑賤嘅人。另一方面，薩滿教反而深入普通百姓嘅生活，而儒學係貴族、士大夫之間嘅學問同宗教，難以與引起普通百姓嘅共鳴。
之後，日本強佔時期時，對巫師嚴重咁加強壓制。基於傳統，日本統治者為咗抵制韓國人對於自身國家嘅自豪同歸屬感。 ，所以將薩滿教視為迷信或庸俗嘅文化，加以鎮壓。
인천일보
現代嘅巫婆大致可分為兩種。 一種係經過正規嘅修煉同條行，保存韓國傳統文化遺產嘅巫師。 好似係電影《萬神》中巫女金錦花被認𤴓為國家非物質文化遺產嘅擁有者、被聯合國教科文組織認定為世界非物質文化遺產所有者嘅金允洙（김윤수）巫師等，喺韓國被視為珍貴嘅存在。 另一種係模仿簡單嘅咒語同表演，來呃錢嘅假巫師。
成為巫師嘅方法
오마이뉴스
巫師唔係自己想做就做到。 好似電影《The Medium》咁，有巫師資質嘅人會患「神病」。神病係一種能夠作為神同人類媒介嘅人所患嘅病。 呢類人好自然咁同鬼神、靈魂聚集埋一齊，所以出現呢種病。 神病係精神上、身體上都會出現症狀，例如被莫名其妙嘅疼痛所折磨、因為睇到神怪嘅場面而出現幻覺、幻聽等，當然呢啲症狀喺現代醫學去係治療唔到。
경향신문
患神病嘅時間係唔定，可能係一直都毫無徵兆咁生活，到中年時突然出現神病；又或者有一啲人年紀輕輕得神病。一般嚟講，父母或祖先中有巫師嘅話，多數都會有神病嘅可能。
好多時，神病會被認為係一種詛咒。 因為係需要接受神靈進入身體嘅職業，所以過去巫師都被認為係好艱辛嘅工作。 到現代，更加冇人想以巫師作為職業。為咗拒絕神靈，佢哋會接受壓制儀式（누름굿），消除自己嘅神靈嘅體質。 聽講呢種儀式對某部分嘅人好有效，但冇效嘅人最終都要接受自己嘅命運。
옥황신전
接受自己命運嘅人會被鬼神上身（신내림），根據自己嘅命運而接受預訂嘅神進入自己嘅身體。 幫助完成降神祭（내림굿）嘅巫師叫做「神之母」신어머니）或「神之父」（신아버지），接受降神祭嘅人為「神之女兒」（신딸）或「神之子」（신아들）。
조선일보
接受降神祭之後，佢哋開始向神之母或神之父學習各種儀式同巫術，培養做巫師嘅能力。 最近仲出現咗教大家點樣成為巫師嘅學院添。
今日同小編一齊了解咗韓國巫師文化，唔知大家覺得呢個只係一種傳統文化，定係一種信仰呢？歡迎大家留言同小編分享！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
