韓星好友組合
韓星好友組合，韓星私底下有好多唔同group，大家最想入邊一組呢？
Hello，大家好 ，我哋係由韓國人每日提供最新韓國旅行資訊嘅Creatrip。
相信大家都知韓國藝人私底下都會有啲聚會，就算係唔同隊，大家都可以見到平時佢哋一齊打卡玩得好開心，望住佢哋玩得咁投契，真係令人忍唔住想加入埋一份，唔知大家睇完以下嘅「韓星好友組合」之後，大家最想加入邊一組呢？
韓國好友組合
1. 우리는 최강 아이돌 （我們是最強偶像）
一聽個名就知厲害，其實呢個組合係一班鍾意打機嘅韓星聚埋一齊嘅Group，主要成員係有BTOB恩光、BTS JIN、前B.A.P成員永才、VIXX KEN、朴志訓同前JBJ成員權玄彬，除咗大家都知佢哋叫「我們是最強偶像」之外，有另一個名係叫「徐恩光遊戲家族」，平時佢哋各有各忙，但只要有時間就會一齊打機，感情仲要超好。
2. 97즈 （97Line）
97Line即係97年出生嘅偶像，成員包括有BTS柾國、GOT7 BamBam同有謙 、SEVENTEEN珉奎、DK同The8、NCT 在玹同ASTRO銀優。只係睇成員名單就已經好心動 間唔中佢哋仲會約出嚟食飯，可以同咁多靚仔一齊食飯，只係諗吓都覺得幸福。
3. 우가패밀리（우가家族）
우가家族成員包括BTS V、ZE:A 炯植、朴敘俊、崔宇植同Peakboy、朴敘俊係因為2016年拍KBS《花郎》而認識，拍戲途中大家感情變好，慢慢就組成呢個家族，佢哋周不時都會約出去玩，有時其中一方忙緊亦會送出應援，俾對方最大嘅支持，可以睇得出佢哋感情真係超好。
4. 92클럽（92 Club）
92 Club同97Line一樣，係指92年出生嘅偶像，成員包括有BTS JIN、VIXX KEN、B1A4燦多、前B1A4成員Baro、EXID Hani同MAMAMOO 玟星，呢個組合主要係大家一齊出嚟飲吓酒，一齊去玩吓逃離密室，只係聽佢哋平時嘅活動，都知佢哋係好活躍，加入佢哋一定可以玩得超開心。
5. 변요한 사단 (byh48)
呢個組合包括成員有卞約漢、柳俊烈、李東輝、EXO SuHo、金熙燦、金志洙等，卞約漢曾經喺一個Interview度講過：「我哋有時就喺凌晨著住拖鞋出嚟見面舒舒服服咁傾吓偈。」，可以有一段咁舒服同坦蕩嘅友誼，真係好好。
6. 조인성 절친 모임 （趙寅成至親組）
成員包括有趙寅成、EXO D.O.、車太鉉、宋仲基、李光洙、金宇彬、金基邦、林周煥。聽講佢哋成日都會去趙寅成屋企傾偈，經常會俾對方意見，同時有咩煩惱都可以好舒服咁同對方講。如果可以加入佢哋，係唔係所有心事都可以搵佢哋解決呢？
7. 규라인 멤버 （圭Line）
圭Line主要成員係Super Junior圭賢、SHINee珉豪同東方神起昌珉，平時只要有時間，佢哋就會鍾意聚埋一齊飲吓酒同傾吓偈，出名有酒鬼之稱嘅圭賢，唔知要飲幾多佢先會停呢？
8. 우정패딩즈 （羽絨Line）
相信大家都有聽過羽絨Line呢個組合，之前其中一位成員成雲仲喺《Weekly Idol》介紹過呢個組合，其實우정패딩즈呢個名係fans幫佢哋改，因為SHINee泰民為所有成員整咗一件團隊羽絨。
成雲講過呢一個Group一開始係由Timoteo組成，佢同SHINee泰民同EXO Kai本身玩開，之後Timoteo再加一位非藝人（中學同學）一齊玩，之後KAI同邀請VIXX RAVI，之後成雲搵埋BTS Jimin入去，佢哋興趣都差唔多，成日都會一齊玩，真係令人好想玩埋一份啊！！
唔知以上韓星好友組合，大家最想會加入邊一組呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
