Hello，大家好，我哋係由韓國人每日提供最新韓國旅行資訊嘅Creatrip。
如果講到比女星更靚嘅男星，大家第一個會諗到邊個呢？相信好多人第一個應該會諗到宇宙大明星金希澈，初初出道以長髮造型視人，當時已經有唔少人都覺得點解可以咁靚！今日小編搵到由藝人同TMI NEWS投選出「除咗金希澈，比女仔更靚嘅男星排名」，唔知大家又覺得邊位可以拎到第一呢？
比女星更靚嘅男星
TOP 7. 朴志訓
第七位就係朴志訓啦！細細個就以童星出道，有肉地嘅面豬登真係令人想摸吓佢 由細到大外貌都冇咩點變過，不過而家大咗，睇落就更加有魅力，要清純又得，要性感亦都得，冇一樣係難到佢！就連MCND WIN睇完志訓扮女仔張相都話：「覺得好似童話書會見到嘅主角咁！」
之前仲拍過唔少化妝品牌廣告，皮膚勁白滑，真係睇到小編勁羨慕。
TOP 6. NU'EST - REN
REN一開始出道前成日都被人問到底係男定女，真係睇相都覺得點解長髮得嚟可以咁靚，有一次佢因為好唔開心所以喺廁所喊，點知喊完出嚟之後，有兩個男人要去廁所，好嬲咁同REN講「女人做咩要入嚟男廁？」（當時REN仲係留緊長髮），之後REN就話「其實我都係男人嚟」，之後又喊住咁出去，令人聽到心到痛。
可愛嘅外表成日都俾人誤會，唔單只長髮好睇，佢更加識跳好多女團嘅舞，之前佢同Girl's Day珉雅合照，唔講仲以為係同隊成員添。
TOP 5. NCT - 廷祐
喺呢次投票當中，就連SF9成員都話好難理解延祐嘅美貌，因為真係太靚，連主持人都笑話「唔通佢哋墮入愛河？ 」之前延祐仲扮《鐵達尼號》嘅女主角Rose，睇佢做戲同外表完全一啲違和感都冇。
喺舞台上一直散發男性魅力嘅佢，扮吓女仔都有另一種感覺同魅力！就連自己之前都話：「比起話自己靚仔，覺得我係靚同可愛。」果然佢都知自己嘅魅力點
就連好多人都話佢同宇宙少女雪娥好似，大家又點睇呢？
TOP 4. BTS - V
有「世界美男第一」之稱嘅V，如果佢係女仔可能都可以擁有「世界美女第一」之稱， 唔少偶像睇完V嘅女仔相都表示「第一眼睇真係有驚訝到」、「好清純」、「同短髮真係好襯」等反應。
小編都係搵資料，第一次睇到呢張相.....真係好靚
TOP 3. ASTRO - 銀優
由細細個開始銀優嘅外表已經令人忍唔住望多幾眼，到大個咗仲被稱為「臉蛋天才」，不過大家又有冇睇過佢扮女仔嘅相呢？
就算唔需要留好長頭髮，佢嘅美貌完全魅力沒法擋！無論係男星定女星都忍唔住陷入佢魅力當中！就連韓國都有一句銀優專屬流行用語최최차차，意思即係話「本命係本命，車銀優係車銀優。」銀優驚為天人嘅長相，令人都會放底自己最愛（최애／本命）嘅執著，跑去追車銀優。
TOP 2. VERIVERY - 岡旻
TOP 2就係VERIVERY嘅忙內岡旻啦！可愛嘅外表，真係仲好似小朋友咁，聽到佢撒嬌完全係會令人心都溶哂 （想要咩姐姐都買俾你 ），就算唔需要留長頭髮.....已經可以贏到好多女仔...救命啊
另外平時佢講釜山方言嘅時候，真係好正！完全係另一種魅力，好推薦大家都去聽
TOP 1. SEVENTEEN - 淨漢
第一名就係淨漢啦！ 唔少男星都話淨漢留長頭髮，差啲都會心動 小編都好羨慕佢咁順滑嘅長髮，要佢拍洗頭水廣告，真係超適合！
雖然佢個人比較鍾意短髮多，但小編覺得無論佢長定短都一樣咁好睇，大定又點睇呢？
以上係由藝人同TMI NEWS投選出「除咗金希澈，比女仔咁靚嘅男星排名」，唔知大家仲有冇覺得邊位男星應該要上榜嘅呢？歡迎留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk