鬧鬼Kpop Top9
有鬼嘅電視劇、電影就睇得多，你又聽過有鬼嘅歌未？
Hello，大家好，我哋係由韓國人每日提供最新韓國旅行資訊嘅Creatrip。
最近喺韓國上映嘅驚慄電影《The Medium》人氣強勁，大多數韓國人都話好得人驚。 今日小編就幫大家列一張「鬧鬼」Kpop清單啦！大家準備好未呢？
鬧鬼Kpop Top9
TOP 9. EXO - MAMA
Mnet
講到EXO有鬼嘅歌，相信好多人肯定會諗起《Growl》中出現的鬼魂！ 《Growl》MV入面出現一個男人嘅影，網上就掀起一股恐怖傳聞嘅風潮。最後得到嘅答案係，嗰隻鬼係片場工作人員嘅倒影。
smtown
但其實EXO真正嘅謎團發生喺2012年出道曲《MAMA》嘅MV！！！伯賢曾經喺節目度講過，《MAMA》有一把神秘嘅聲音，聽起嚟似只存在喺MV中嘅咆哮！！但係如果聽普通音樂或者live，就冇嗰把聲！！！大家想聽清楚嘅話，去睇《MAMA》MV，留意4:16嗰度啦。
8. Miss A - Only You
dispatch
Miss A《Only You》0:47度中，突然有一把男人低沉嘅聲線唱「啊～」，fans一聽，立刻成為網絡話題，就連Miss A成員接受採訪時都話佢哋都覺得好詭異，唔知道係邊個嘅聲音......呢把神秘嘅聲音，令人毛骨悚然咗5年。終於揭曉答案啦！！！
Mnet
製作《Only You》嘅「黑眼必勝 」（블랙아이드필승）成員 Rado（라도）無意中加咗自己把聲落首歌度，聽落去又幾夾，所以就keep住咗，而呢個事實連Miss A成員係唔知嘅。
7. 李承煥 - 哀願（애원）
1boon
1997年李承煥嘅《哀願》亦都係好出名嘅鬧鬼音樂！！事緣係MV入面有一幕影住火車司機嘅駕駛室，司機旁邊有一個著住白色衫嘅女人企住隔離。MV播出之後反應好大，當問到工作人員同司機時，佢哋都話：「冇人見過呢個女人。」呢個答覆更加引起話題，所以決定刪咗嗰一幕去！！
Mnet
20幾年之後，呢個神秘嘅故事被揭開啦！！！其實嗰個女人係司機嘅熟人，同司機講想喺驚駛室度一齊搭幾個站，最後真係俾佢留咗係驚駛室。咁點解火車司機會話「冇見過個女人」呢？係因為佢話講真話會被炒魷魚，所以退休之後先講返個真相出嚟。
6. Kara - Wanna
Mnet
另一個鬧鬼Kpop就係Kara現場表演《Wanna》時出現嘅「神秘之手」，表演最後每個成員都做好ending pose，妮可重心唔隱突然想仆向前，旁邊嘅知英即刻伸手想拉住，但係！！！喺影片度出現咗一隻神秘嘅手喺妮可身後，捉住咗知英嘅手。
驟眼睇好似係妮可嘅手向後捉住，但係細心睇嘅話，會發現妮可一隻手攞住一個咪，另一邊係舉起係嘴嘅附近想揞住個嘴……咁嗰隻係邊個嘅手呢？
Mnet
亦都有人估其實係知英本身嘅手指。 不過實際做一下，握緊拳頭嘅時候，手指唔會長到出晒手掌嘅範圍，所以應該唔係智知英嘅手，而嗰隻手直到今日仍然係個謎......
5. BTS - WINGS 專輯
錄製WINGS專輯嘅時候，所有柾國錄嘅部分突然全部消失！雖然覺得好奇怪，但柾國只好重新錄製佢所有嘅部分。之但係奇怪嘅事唔淨只咁！當柾國聽返嘅時候，發現冇錄嘅部分又有佢嘅歌聲！？呢個係柾國自己至今都搵唔到答案嘅謎團。好多韓國idol都話，如果喺製作緊歌曲嘅時候遇到鬼，嗰首歌就會好紅，而WINGS專輯確實好受歡迎。
4. 張娜拉 - Is that true?(그게 정말이니?)
JTBC
唔知大家仲記唔記得張娜拉除咗係演員之外，仲係紅極一時嘅歌手呢？佢2003年嘅一首歌《Is that true》嘅2:35，突然有把聲問「귀 아프지？」（意思：耳仔痛呢？/發音：gwi apeuji）
有人話係結他，或者BASS嘅樂器所發出嘅聲，有時人聽到一啲聲音時會以為係一句說話，所以聽到歌中間嘅樂器聲，以為係句說話「귀 아프지？」。唔知大家聽到係樂器聲，定係說話聲呢？撳入下面個MV度聽吓啦！
3. IU - You and Me
Mnet
IU錄《You and Me》嘅時候，同作曲家爭論咗兩句，之後就暫停錄音休息吓，IU走去錄音室外面，音響工程師跟住喺後面。之後IU喺走廊面對面咁同音響師傾咗幾句，IU眼尾見到有人入咗錄音室，以為係經理人。傾咗一陣就再入錄音室，但錄音室一個人都冇，就問音響師：「頭先入咗嚟嘅經理人去咗邊啊？」，但係音響師答話：「講咩啊？成間房就得我哋兩個人。」嚇咗IU一跳。
頭先都講到，只要錄音嘅時候遇到鬼，嗰首歌就會紅，IU嘅《You and Me》一樣紅到爆。
2. 張允瀞 - 어머나
KBS
張允瀞係韓國Trot歌手，非常受歡迎。喺錄製《어머나》呢首歌時，佢聽到耳機傳嚟腳步聲，同埋外面有人用咪問： 「而家邊個去洗手間？」，所以佢答：「講咩啊？快啲錄音啦！」，但製作人根本冇聽到呢個聲音，得佢一個聽到。之後佢哋太驚，出咗房聚埋一齊之後再壯膽入去錄音室，發現錄音室所有嘅電器設備都熄咗，但腳步嘅聲音越嚟越大，張允瀞就諗：如果大叫嘅話，可能可以嚇走啲鬼，於是佢就大聲咁叫之後繼續錄音。呢首《어머나》同以上提過錄音時鬧鬼嘅歌一樣，紅到發紫。
1. 徐太志和孩子們 - Classroom Idea
Mnet
第一位係韓國人好多都知道嘅徐太志和孩子們嘅《Classroom Idea》，當時連新聞都有報導，話呢首歌有魔鬼嘅聲音。將《Classroom Idea》倒轉嚟聽，會聽到「피가 모자라」（意思：唔夠血）呢句說話，成為當時熱話。 徐太志受訪時亦表明自己冇安排過呢啲喺首歌入面。
之但係另一首歌《Anyhow Song》有同樣嘅事情發生，倒轉嚟聽時聽到「아, 내 속이 있는 사탄을 난 오직 사랑해요」，意思係「啊，我入面嘅撒旦，我只愛你一個」，所以有傳徐太志佢哋係撒旦嘅崇拜者。然而呢個傳言到而家為止都係冇答案。大家認為係巧合，定係真係嚟自撒旦嘅信息呢？
以上就係TMI選出9首鬧鬼嘅Kpop，唔知大家有冇毛管戙呢？？哈哈！不過傳遇到鬼嘅idol，首首都超紅，咁又係咪好事？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
