Hello，大家好，我哋係由韓國人每日提供最新韓國旅行資訊嘅Creatrip。
（7月14號更新）
稍早前，所屬經紀公司Good Luck Entertainment宣佈本來今個月19號出道嘅女團SKYLE將會延期出道，原因係所屬公司其中一位工作人員同新冠肺炎確診者有過密切接觸，考慮到藝人嘅健康，已經進行咗相關測試，結果呈陰性。
公司表示：「考慮到藝人嘅健康安全，目前首都圈亦升到第四階段，SKYLE將會延遲出道。」
SKYLE原定會喺19號舉行媒體展示會，相關負責人表示：「我哋會計劃同協調出道時間，之後有消息會再同大家公佈。」
最後亦重申：「公司會嚴守衛生當局嘅指示，盡力令SKYLE可以健康同安全咁出道。」
（7月9號更新）
尋日goodluck_ent IG 公開咗SKYLE成員4人嘅短片，今日就正式終於揭開神秘嘅面紗！4人包括ERIN、CHAEHYEON、GINNY同UJEONG。
CHAEHYEON具備出色嘅唱功同舞蹈實力，識作詞、作曲，係多才多藝嘅實力派，所以擔任隊長同主唱。GINNY係隊內嘅大姐姐，舞蹈系出身，專長係一字馬、等柔軟性高嘅舞蹈，同時好有Rap實力，所以擔任隊內Rapper。
而眼睛大大嘅ERIN，擁有令人一眼難忘嘅美貌，負責門面擔當，沙啞嘅聲音更有反轉嘅感覺。最後係忙內UJEONG，除咗出色嘅唱功之外，跳起舞上嚟超有力滿，負責隊內領舞。
SKYLE下個月出道
尋日（29號）Good Luck Entertainment表示：「中韓合作嘅4人組合SKYLE將會喺7月中出道，目前官網同IG亦都公開咗SKYLE嘅標誌。
唔講唔知，原來Good Luck Entertainment喺2018年，由古天樂成立（天加一文化傳媒子公司）。
今次推出嘅組合，係由中韓成員組成，SKYLE係指 (S)how the (K)inetic & (Y)outh (L)eading a new (E)pisode，意思係想指青春嘅開始，開啟KPOP新一頁。
目前Good Luck Entertainment已經公開咗SKYLE嘅LOGO。
相關負責人表示：由一開始準備新團嘅時候，佢哋已經得到過廣告界嘅認可。目前同幾個世界品牌傾緊合約，希望出道嘅同時，仲可以有多方面嘅活動進行。
同時佢仲話SKYLE係喺韓國同海外嘅面試之中，揀出歌喉、外貌、舞蹈各方面都好好嘅成員而組成，大家都可以期待吓。
如果有更多想知嘅內容，都可以隨時留言或者dm話俾我哋知：）
Instagram：creatrip.hk