韓國國會通過擴大代替公休日法
同國慶有關假期若同週末重疊可獲得補假，5人以下嘅公司除外
Hello，大家好 ，我哋係由韓國人每日提供最新韓國旅行資訊嘅Creatrip。
（7月16號更新）
尋日（15號）就早前通過嘅擴大代替公休日宣佈落實補假安排，只有同國慶日相關嘅公休日同週末重疊嘅話先會補假，包括：3.1節、光復節、開天節、韓文節。換句話說，今年8月15號（星期日）嘅光復節、10月3號（星期六）嘅開天節、10月9號（星期六）嘅韓文節，將會喺當個星期嘅下星期一補假；而1月1號、6月6號顯忠日、佛誕、12月25號聖誕節就唔會有補假。
| 假期 | 日期 | 補假與否 |
| 新年 | 1月1號 | ✘ |
| 春節 | 正月初一 | ✔︎ |
| 3.1節 | 3月1號 | ✔︎ |
| 兒童節 | 5月5號 | ✔︎ |
| 佛誕 | 農曆四月初八 | ✘ |
| 顯忠日 | 6月6號 | ✘ |
| 光復節 | 8月15號 | ✔︎ |
| 秋夕 | 農曆八月十五 | ✔︎ |
| 開天節 | 10月3號 | ✔︎ |
| 韓文節 | 10月9號 | ✔︎ |
| 聖誕節 | 12月25號 | ✘ |
今年韓國下半年嘅公眾假期全部都係喺週末，令好多打工仔都好失望。今日（23號）國會行政委員會終於通過全面擴大「代替公休日法」(대체공휴일법) ，同週末重疊嘅公休日將全部補假。
mbc
上星期15號，執政黨兼國會第一大黨嘅共同民主黨就公開表示會喺臨時國會上處理《代替公休日法修正案》，為國民爭回「消失嘅紅日」。經過16、17號連續兩日嘅會議都冇結果，最終喺今日通過修正案。
연업뉴스/newsis
原本嘅代替公休日法只適用於中秋、春節、兒童節，通過修正案，擴大至其他節嘅假日，即係只要係同週末重覆嘅假期都會補假。以今年為例，光復節（8月15號）、開天節（10月3號）、韓文節（10月9號）、聖誕節（12月25號）都係星期六或日，通過咗擴大代替公休日法之後，上述假期全部都會喺星期一補假。
但對於員工人數少於5人嘅工作場所，有人指出可能同現行冇附帶薪休假嘅《勞動基準法》衝突，所以決定排除咗5人以下嘅公司實行代替公休日法。
조선비즈
對於全面擴大代替公休日，有人支持，亦有人反對。支持者表示勞動者嘅休息同安全息息相關，實行代替假日，可以同時照顧安全同健康。相反，有經濟專家指出最低工資上調同實行每週52小時工作制已經令企業嘅人士費加重負擔，再引入代替公休日嘅話，中小企業嘅競爭力會不斷惡化。半導體企業、建築業界等都表示難以安排假日，否則生產線會出問題，擴大代替公休日嘅話人工費必定增加。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
