Hello，大家好，我哋係由韓國人每日提供最新韓國旅行資訊嘅Creatrip。

早前4月FNC公佈CNBLUE主唱鄭容和將會喺自己生日6月22號推出首張中文迷你專輯《和（화）. 唱（창） STAY IN TOUCH》。 今日消息再加碼，專輯正式公開之前嘅16號，率先公開同中華圈人氣音樂人蕭敬騰合作嘅新曲《禁愛條款》 (금애조항/Nonsense) 。

미주중앙일보

華納音樂

兩位分別喺中華圈同韓國歌謠界嘅人氣都相當高企，呢次合作係為咗俾亞洲嘅fans一個驚喜而秘密進行。因為COVID-19，佢哋無辦法直接碰面，所以主要透過電話、email等方式進行討論同錄音工作。

蕭敬騰表示：「CNBLUE出道開始，就成日聽鄭容和嘅音樂，好開心可以有機會合作」。 鄭容和亦都話：「喺網上聽過蕭敬騰嘅歌，歌聲令我留下好深嘅印象，而且好有藝術家feel，好型」。

兩人喺音樂同想法上亦相當合拍。 鄭容和發表感想時話對方俾咗好多idea自己，激發咗佢好多想法，令佢喺製作過程中非常順利。蕭景騰亦都話：「第一次聽demo嘅時候感覺好正，淨係個melody已經好啱feel」。兩人都表示以後有機會嘅話，希望可以同台合唱。

gaonchart

鄭容和、蕭敬騰攜手合作嘅《禁愛條款》將於16號通過各大音源網站率先公開，而收錄咗呢首歌嘅鄭容和首張中文迷你專輯《和.唱 STAY IN TOUCH》將會喺6月22號於全球主要音源網站公開。 呢次迷你專輯除咗《禁愛條款》之外，仲邀請咗世界級DJ R3hab改編2014年同人氣歌手JJ林俊杰合唱嘅《CHECKMATE》（R3HAB Remix版），同埋重新演譯格林美（Grammy Award）獲獎者Dan+Shay嘅人氣歌曲《10,000 HOURS》 (Global Chinese Version)。

嘩嘩嘩！今次專輯好international 啊！唔知之後會唔會都同香港藝人合作呢？🤩

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購