韓星推薦面膜
想好似韓星皮膚咁白滑？到底佢哋係用咩面膜？睇完會唔會想買埋一份？
Hello，大家好，我哋係由韓國人每日提供最新韓國旅行資訊嘅Creatrip。
想好似韓星皮膚咁白滑？妝前嘅護膚一樣好重要！平時可以敷多啲面膜去補濕，不過用咗咁多款都未搵到一款適合自己？咁不如參考吓韓星用邊幾款啦！每一款價錢唔算貴，有時甚至香港都可以買得到！
韓星推薦面膜
1. BTS J-hope | MEDIHEAL 高效特強保濕面膜
價格：3,000won/片 （約HKD21）
相信大家嚟韓國都會掃唔少MEDIHEAL面膜返香港，佢有出好多唔同功效，而呢一款高效特強保濕面膜應該係大家嚟到掃得最多嘅一款，就連J-hope都大讚好用！面膜採用阿爾卑斯冰河水、氨基酸、透明質酸等多種保濕成分，敷完佢好似即刻飲飽水咁，好有水光感，而且所有肌膚都適用。
2. BTS SUGA | MEDIHEAL 銀箔保濕面膜
價格： 5,000won/片 （約HKD35）
呢款同樣都係MEDIHEAL出嘅面膜，佢同一般嘅面膜質地唔同，佢用咗銀箔去做，同時用咗好多天然成份，例如：黑醋栗果實提取物、奇異果萃取物、蜂蜜萃取物的，敷完會覺得好水潤，同時會感覺好似年輕咗。
3. BLACKPINK Jisoo | Lush 薄荷清爽面膜
價格：20,000won/125g （約HKD140）
相信大家對Lush呢個品牌都唔陌生，佢係英國品牌專行天然路線，簡約嘅包裝亦都係特點，就連Jisoo都鍾意用，呢款面膜可以幫大家做到一個深層清潔效果，去角質，用咗佢即刻覺得好乾淨，因為夠天然，所有肌膚都適用。
4. IU | CNP 蜂膠能量導入精華面膜
價格：19,000/5片 （約HKD133）
講到CNP就一定唔可以唔提佢哋嘅蜂膠能量系列產品，呢款面膜可以改善肌膚對抗衰老、改善皺紋，同時可以做到保濕同提亮效果，佢總共分咗兩個step，大家先用Step1將精華搽曬成去臉，再用Step2敷15-20分鐘，敷完之後再輕拍或幫臉部按摩，幫助肌膚吸收剩餘嘅精華。
5. BLACKPINK Rosé | 5合1大豆生物纖維水潤面膜
價格：4,500won/片 （約HKD32）
呢款面膜小編本身都好鍾意用，雖然佢價格相對貴咗少少，但係用完會覺得超值！佢用咗發酵大豆製成高級面膜，面膜質地好薄，好貼臉，用完佢覺得臉部好似飲飽水咁，有重要約會前用佢一定唔會有錯！
6. (G)I-DLE Minnie | 日本Saborino早安面膜（清爽型）
價格：20,000won （約HKD 140）
正所謂：「世上冇醜女人，只有懶女人」，呢款面膜加咗蘋果酸、奇異果果實精華、蜂蜜提取物等，可以做到保濕效果之如，仲可以幫大家去角質，每日朝早只係需要用60秒就可以令肌膚睇落超水潤，佢出咗好多唔同款，唔知大家又有冇用過呢？
以上就係韓星推薦嘅6大面膜，大家想試吓用邊啲呢？有興趣嘅朋友都可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
