6個菲林相機apps介紹
只要用呢6個相機app，想影啲充滿菲林復古feel嘅相再唔係啲咩難事！
Hello，大家好，我哋係由韓國人每日提供最新韓國旅行資訊嘅Creatrip。
有冇人鐘意用菲林相機影相？菲林相機喺韓國好紅，好多人都鐘意菲林影出嚟嘅復古感，只不過用真正嘅菲林相機其實拍攝上唔太方便，入門門檻都唔低，所以如果有app可以製造出菲林相機嘅效果，咁就最好啦。以下就等小編同大家介紹6個韓國人最常用菲林相app啦！
6個韓國流行嘅菲林相機app
NOMO
小編第一個想推薦嘅就係NOMO啦，喺最初個版本入面，NOMO可以影出即影即有相嘅效果。佢嘅色感偏溫，仲有種復古feel添。如想果用啲好似Leica相機咁專業啲嘅相機嘅話，可以買NOMO PRO版，不過小編覺得免費其實都好夠用。NOMO app亦可以將本身有嘅相轉做復古style，就好似上面Lisa張相咁，效果都好靚！
Huji Cam
或者有唔少人會唔太熟悉Huji Cam app，呢個app好特別咁只係提供一個1個1998年嘅filter，所以唔需要苦惱要揀邊個filter好。Huji Cam仲會隨機同你加一啲光軌效果，令每張相都會有啲唔同，非常有趣。不過呢個app嘅免費版本就唔允許你修改現有嘅相啦，所以如果係想用呢個功能就需要俾錢啦。
Kamon - Classic Film Camera
一見到呢款Kamon app就會俾佢icon好sharp嘅黃色吸引到！呢個app嘅免費版本同樣唔俾你修改現有嘅相，不過仍可以用啲8個唔同嘅filter影相，包括Kamon、Insta9、InNons、Lomo、Polaroid、Holga、Insta90同Insta60。下面係一啲小編用呢個app影嘅相，大家可以參考吓。
CALLA CAM
Calla係一個好受韓國年輕一代歡迎嘅app，入面提供好多好似電影一樣咁靚嘅filter，只不過呢啲filter就要俾錢買啦。呢個app免費版嘅filter效果雖然都幾輕微吓，不過佢俾你可以修改現有嘅相。如果想更多啲filter，小編就建議用收費版啦。
FIMO - Analog Camera
FIMO app都可以影到唔少靚相，而且佢有5個唔同嘅效果，每個filter嘅顏色都好復古，仲有種藝術氣息添！呢個app嘅其中一個優點就係，佢可以俾你修改現有嘅相啦。
Dazz Cam - Vintage Camera
最後一個app就係Dazz啦。Dazz係個好特別嘅app，佢除咗提供影相服務，都同樣俾你修改現有嘅相，你仲可以揀相機嘅鏡頭添！
Dazz仲可以用嚟拍片，免費app嚟講效果真係非常唔錯！
以上就係韓國好受歡迎嘅6個菲林相機app啦，佢嘅入門門檻好低，住何人都可以輕易download嚟用。至於對啲鐘意用真菲林相機嘅朋友，就可以參考呢篇韓妹大熱菲林相機啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
