Hello，大家好，我哋係由韓國人每日提供最新韓國旅行資訊嘅Creatrip。
唔知大家平時有冇聽開收音機嘅習慣呢？小編個人好鍾意喺瞓之前聽住收音機電台放鬆一下心情，特別好多時係因為俾主持人把聲吸引，佢哋柔和嘅聲線有時真係好似同佢哋傾緊偈咁，早前韓國一個網站舉行咗一個投票，題目係「適合做電台DJ主持嘅韓星」，大家又會唔會想知TOP10係邊個呢？想知就要繼續睇落去啦！
適合做電台DJ主持嘅韓星
TOP 10. WINNER 昇潤
연합뉴스
昇潤嘅聲線小編第一次聽嘅時候真係俾佢吸引咗，佢嘅唱功唔使小編多講大家都一定會知，不過佢有時講嘅釜山方言真係更加吸引 如果可以聽成晚小編會超開心 嚟緊6月韓國就會播佢有份拍嘅《Voice 4》，小編都好期待！
TOP 9. Highlight 耀燮
조선일보
最近打開電視成日都會見到Highlight嘅出現，佢哋各成員終於完成兵役，完整體回歸，早前佢哋喺Dingo唱返以前嘅經典曲，真係令人好激動同心動！耀燮喺年頭仲上咗《蒙面歌王》創新紀錄8連勝，每次聽佢唱歌都會覺得好治癒。
TOP 8. BTOB 星材
보그 코리아
雖然星材而家當緊兵，不過喺早幾年成日都見到佢活躍喺電視劇，佢迷人嘅眼神配上溫柔嘅聲線，真係冇人可以抵抗到，希望佢快啲可以完成兵役，快啲同其他成員合體，小編好期待佢哋嘅新歌！
TOP 7. Oh My Girl 勝熙
보그 코리아
勝熙身為Oh My Girl嘅主唱，年紀少少已經有唔少舞台經驗，佢可愛活潑嘅性格，小編覺得做DJ真係好適合，前日（10號）全體成員仲以第八張迷你專輯《Dear OHMYGIRL》回歸，大家又聽咗未呢？
TOP 6. AB6IX 田雄
굿뉴스닷컴
田雄係隊入面唯一冇參加《Produce 101》嘅成員，所以當AB6IX出道時，田雄就受到大眾關注，佢歌唱同跳舞實力更加係冇得輸，上個月以迷你四輯回歸，ABNEW們又聽咗未呢？
TOP 5. 邕聖祐
판타지오
由《Produce 101》播出，小編真係第一眼俾佢迷到 佢除咗跳舞勁，唱歌都好好聽，雖然佢上過唔少廣播電台節目做嘉賓，不過如果之後佢可以做埋DJ主持，小編一定會日日準時收聽！
TOP 4. TWICE 定延
텍스트뉴스
定延喺隊入面擔任領唱，每一次穩定嘅唱功，都令人聽出耳油，希望之後可以喺電台聽到佢做主持啦！
TOP 3. fromis_9 賽綸
톱스타뉴스
賽綸係fromis_9嘅隊長，外表雖然睇落好cool，但佢性格其實係超可愛，而且超暖，好有魅力。
TOP 2. AB6IX 大輝
뉴스1
大輝喺出演《Produce 101》前，喺唔少練習生中相當有名，因為佢識填詞、作曲、編曲，甚至係製作，完全係萬能！每一次上綜藝，佢率直嘅性格更加係深受人喜愛，如果佢做DJ一定唔會令人失望！
TOP 1. BTS Jin
네이버
第一名就係我哋防彈嘅大哥Jin啦！如果佢做DJ唔知係咪會講好多大叔笑話（아재개그）呢？令人笑到都唔想瞓
唔知大家又會想邊位韓星做DJ主持呢？歡迎大家留言俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk