Hello，大家好 ，我哋係由韓國人每日提供最新韓國旅行資訊嘅Creatrip。
平時女仔出街又點可以少咗個手袋呢？今日小編想同大家分享最近韓國5款大熱手袋，當中會唔會有一個係你搵緊嘅呢？
韓國5款流行手袋
水桶袋
prostj
水桶袋真係永年不敗款，就連好多專櫃品牌都有出過，今年佢哋再次大熱，純色簡單得嚟又易襯，入手一個絕對唔會有錯！
好多時水桶袋唔會好大個，而且都幾夠硬淨，著牛仔褲或裙嘅時候點襯都得，超百搭！
迷你斜孭袋
ilsanghabo
今年呢種迷你斜孭袋真係好流行，雖然睇落好細細個，但就有種型格嘅感覺。
samantha thavasa
雖然睇落真係好細個，最多可能只可以放少少現金、銀行卡同一支唇膏，但依然有唔少女仔都鍾意買佢！
手機袋
antada
今年真係好hit細袋，呢一款手機袋同樣都係裝唔到好多嘢，不過比起迷你斜孭袋，佢可以放多部手機。
puzzlestore
雖然細細個，但就有一種好年輕同時尚嘅感覺，大家又會唔會想買返個呢？
草編織袋
話咁快夏天又嚟啦！呢個時候最令人第一時間諗到嘅就係呢一種草編織袋，簡單得嚟又易襯，孭住佢就好想去一轉沙灘玩。
呢種草編織袋有唔同款式，總有一款大家會鍾意。
餃子袋
最後一個應該係今日介紹之中，可以裝得最多嘢嘅一個袋，呢一款餃子袋真係好流行，好似橡筋咁嘅帶真係好特別，喺韓國除咗側孭之外，斜孭一樣都係好受歡迎。
bluecityjewelry
喺韓國街上真係會成日見到，唔知大家又會唔會想買返個呢？
今日同大家介紹咗5款近期韓國大熱款，唔知當中有冇邊一款大家又會想買呢？如果有興趣嘅朋友，都可以搵我哋代購㗎。
如果有更多想知嘅內容，都可以隨時留言或者dm話俾我哋知：）
Instagram：creatrip.hk