Hello，大家好，我哋係由韓國人每日提供最新韓國旅行資訊嘅Creatrip。
今日（10號）韓國新聞報導指出，首爾中區南大門警察喺5月2號上畫收到一宗報案，表示明洞某間找換店有數億韓幣現金失竊，要求警方到場調查。
雖然新聞並冇明確指出係邊一間，不過喺畫面上可以睇得到係深受遊客歡迎嘅「一品香找換店（Korea換錢）」。
一品香找換店 YTN
根據現場CCTV畫面顯示，5月1嘅晏畫18:25，一名戴住安全帽、身穿厚褸，手持鐵箱同孭住一個背囊嘅男性行入明洞一品香大廈。而喺大約三分鐘之後，呢位男性空手離開，但可以睇得出身上嘅背囊有啲重。
而喺第二日（02號）上畫，找換店相關人士發現現場突然有一個空箱，所以即時睇吓保險箱，點知就發現唔見咗4億3千萬韓幣（約二百八十三萬幾港幣），之後就即刻報警。
找換店出入口，除咗有裝密碼鎖之外，內部亦有自設保安裝置，但喺1號18:20，員工開啟保安系統之後收工，但過咗5分鐘之後（18:25）裝置再度被解鎖，過咗三分鐘又重新鎖定，時間同CCTV影到嘅男性入大廈嘅時間係一致。
YTN
YTN
因為呢棟大廈除咗找換店之外，亦有其他店鋪，所以喺出口嘅一樓冇安裝其他確認身份嘅系統。
YTN
喺大廈附近嘅CCTV都已經確實記錄疑犯行蹤，警方相關人士表示：「將會由找換店職員，以及同大廈相關人士為主進行調查，目前冇鎖定特定對象。另外就出入門鎖、保安裝置、保險箱等都可以輕鬆打開原因，以及冇觸發警報，警方唔排除找換店嘅內鬼共謀嘅可能性。
時隔一星期仲未搵到真兇，希望警方可以早日查出真相。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
