Hello，大家好，我哋係由韓國人每日提供最新韓國旅行資訊嘅Creatrip。
大家平時為咗保護環境會做啲咩事呢？最近因為對於保護環境嘅關注度越嚟越高，所以用環保產品都成為咗新嘅趨勢，而韓國國內都有好多企業都因為呢個趨勢，已開展咗好多唔同嘅零浪費活動。
今日小編就想同大家介紹韓國嘅零浪費活動趨勢，同介紹innisfree綠色回收店。
韓國「零浪費」趨勢
韓國人對環境關注度不斷上升，而呢樣嘢係由疫情之後慢慢開始發展出嚟，因為疫情發生之後，好多人都少咗出街，所以就會開始倚賴送貨同快遞服務。雖然以前韓國外賣服務已經好多人用，不過因為疫情，外賣使用人數可以話係急劇上升。
根據統計廳嘅統計，2019年餐飲配送服務交易額大概係9萬億韓幣，而係2020年就增至到17萬億韓幣，快遞服務都由2019年嘅27億箱增加到2020年嘅33億箱。
mbc 뉴스 데스크
因為快遞同外賣多咗，好自然垃圾亦都變多，由呢個時候開始，好多韓國人開始注重商品包裝，所以決定揀更加環保包裝嘅人都越嚟越多。
有唔少韓國企業都喺商品嘅包裝上面追求環保，而家就為大家簡單介紹幾個。
1. 網購保溫袋
之前小編都有喺韓國配送服務入面都有介紹過，佢哋都有親環境保溫袋，喺韓國比起親自去買餸，佢哋好多都係喺網上買新鮮產品，所以可能會產生好多垃圾。
kbs news
配送食物最緊要就係保鮮度，所以好多網購都會用冰袋，而冰袋入面嘅冰凝膠會含有塑膠成分，可能會引發環境污染，再加上冰袋包裝大部份都係用塑膠造成，所以會對環境產生唔好嘅影響。
쿠팡
Coupang同E-mart分別製作名爲「Freshbag」同「Albi bag」嘅保溫袋提供環保服務，由於呢啲保溫袋本身就可以維持溫度，所以可以用少啲冰袋嚟保護環境。加上呢啲保溫袋可以重複使用，所以長遠嚟講，垃圾量亦會因而會減少。
이마트
Coupang喺訂購嘅時候揀「RocketFresh ECO」，佢哋就會將商品裝入保溫袋入面，大家拎完之後下一次再上網買食材嘅時候，放保溫袋喺門口，快遞員就會重新回收，呢啲服務唔使另外俾錢，又可以保護環境，所以都越嚟越多人咁用。
2. 無標籤
最近韓國飲料行業最大嘅變化就係「無標籤」，喺韓國如果想回收膠樽的話，就要將標籤同飲品樽分開，不過因為好多人都嫌麻煩，所以就冇分類，為咗解決呢啲問題，好多飲品廠家都已經開始取消咗標籤，製作出冇標籤嘅飲品樽。
呢種冇標籤飲品有兩個優點，第一就係會有減少塑膠垃圾產生嘅效果，樂天七星飲品公司生產嘅韓國首款無標籤礦泉水「ice echo」，一年間塑料廢棄物總産生量減少咗6.8噸！
농심
第二就係分類回收嘅時候變得好方便，因為唔使再將標籤紙同飲品樽分開，所以飲品樽嘅回收利用率就可以急劇增加。
對於企業嚟講，要放棄可以作為銷售渠道嘅標籤並唔係一件容易嘅事，因為隨時可能會因為咁而令到銷量下降。不過喺呢個重視環保嘅時代，呢種唔標籤飲品反而成為一種銷售手段，好多韓國消費者都好鍾意呢一種無標籤飲品，同佢哋都好希望之後有更多飲品都可以冇標籤飲品樽。
3. 零浪費咖啡廳
為咗減少咖啡廳入面不必要嘅垃圾，所以出現咗好多零浪費咖啡廳，韓國人有幾鍾意飲咖啡相信大家都知，所以就會好容易產生好多一次性塑膠杯同吸管垃圾。
스타벅스
最近韓國就出現咗零浪費咖啡廳，佢哋想與其依靠個人嘅努力，不如改變成個咖啡體制。
유튜브 스브스 뉴스
最近韓國KT大集團推出一個新嘅體制，外賣嘅時候唔會用一次性杯，係會用可以重複使用嘅膠杯，之後再還杯嘅方式進行。
유튜브 스브스뉴스
因為韓國人基本上每日都會外賣咖啡，所以呢一個重複使用嘅膠杯受到好大歡迎，佢哋之後仲推出左零浪費野餐套裝。
KT
4. 回收化妝品空樽
唔知大家用完化妝品之後會點樣處理個空樽呢？因為化妝品容器係由複合材料組成，而且又會有啲用剩嘅化妝品，所以就算回收處理，都好難循環再用。
보그 코리아
因為係咁，大部份化妝品品牌都開始回收化妝品空樽活動，特別係innisfree由2003年開始開展咗回收空樽活動， 將收集咗23萬個空樽進行再利用，打造一個叫做「空瓶空間」嘅升級賣場，大家又會唔會好好奇入面係點嘅呢？
Innisfree空樽空間
地址：서울특별시 종로구 소격동 152
營業時間：每日 11:00-20:00
小Tips：喺3號線安國站1號出口出嚟，行大概5分鐘就會到。
空樽空間係位於景福宮同昌德宮之間嘅韓屋村，將2棟80年歷史嘅韓屋建造而成，入面係有23萬個空樽製成嘅空間，行到入去真係會俾佢個外觀吸引。
呢度係粉碎空樽嘅空間，所以可以俾顧客親自體驗粉碎空樽嘅過程，想體驗嘅話可以拜託職員幫手，職員會好親切咁為大家介紹，機器一開動嘅時候，就可以放入空樽，就會通過下面嘅窿粉碎出嚟。
親眼睇住大概500毫升嘅樽比呢部機器整到粉碎晒，都覺得好神奇。喺呢個化妝品賣場都有呢啲咁特別嘅體驗，大家下次嚟一定要試吓。
喺破碎機左邊個大屏幕可以顯示到空樽經過呢個粉碎過程之後會變成啲咩嘅建築材料。
仲會具體說明咗係點樣製作而成，例如最右邊嘅白色收尾材料係由White Tone Up Lotion同Cedar Wood My Body產品嘅空瓶組合而成。淨係用空樽都可以整成咁嘅感覺，都覺得好神奇。
Innisfree由2003年開始實施嘅空樽回收運動入面收集咗超過3,000萬個空樽，仲種咗2000棵植樹，可以感受到innisfree係真心爲環境着想嘅企業！
就係咁被回收同粉碎嘅空瓶鋪滿晒喺呢個空間嘅每個角落，賣場內部嘅化妝品陳列枱、地板、牆壁等空間嘅70%都係用空樽制作！
一直以爲只係垃圾嘅空樽竟然可以創造咁靚嘅空間，真係令人好讚嘆。
Innisfree空樽空間店係傳達環境保護價值嘅空間，通過呢個空間提醒大家環境保護嘅價值真係好有意義！
大家今日就同小編一齊了解咗韓國零浪費趨勢，仲去咗具有代表性嘅環保企業innisfree嘅空樽空間，大家如果仲有想睇嘅內容不妨留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
