BTS X 韓國麥當勞又一新搞作！
世界彈BTS同韓國麥當勞再次聯手推出產品！同M記crossover嘅BT21公仔實物究竟係咩樣？
Hello，大家好，我哋係由韓國人每日提供最新韓國旅行資訊嘅Creatrip。
世界彈真係世界彈，BTS繼兩年前同麥當勞合作，喺全世界49個地區推出BTS set之後，今年又一新搞作！韓國麥當勞同BT21聯手，推出咗7款玩具，身為A.R.M.Y嘅你又點可以錯過！
BT21 X 韓國麥當勞
맥도날드
韓國M記經常都會推出新產品，亦都成日會同明星/卡通人物合作，而今次佢哋就同BT21合作推出咗7款公仔！相信各位fans都知道，BT21係BTS同Line Friends合作設計嘅卡通角色~ 想知道呢個韓國麥當勞限定公仔有幾得意？咁就跟住小編一齊去麥當勞啦！
因為每間分店限量發售10套，聽講仲可能要排隊，所以小編喺開賣第一日10點左右就去到M記！去到真係有好多fans等緊開賣，小編都唔執輸，即刻去咗攞籌！
小編好好彩咁排到第3，真係好期待！（想買set嘅朋友們記住要一定去counter問職員攞籌~）
一到10點半大家就開始陸陸續續叫餐啦！每買一個麥當勞餐就可以單買到一個公仔或者一set（每人限買一盒）。單買一個公仔要₩5,900，而一set就係₩45,000。
任務成功！一盒入面有KOYA、RJ、SHOOKY、MANG、CHIMMY、TATA、COOKY，總共7個公仔，全部都係企喺M記外賣盒上面，真係好得意~
小編朋友仲另外單買咗一隻COOKY公仔，就算唔係A.R.M.Y都會因為覺得好cute而想買嚟收藏！
啲公仔可以砌埋一齊，仲識郁㗎添！
今次呢個活動只限2.23至3.15舉辦，手快有手慢冇，想買嘅朋友們記住要快啲去啦！（注意：唔係間間都有賣，記住去之前要check清楚~）
回顧：麥當勞喺全球推出BTS set
스포츠조선
不知不覺BTS餐喺韓國已經出咗就嚟兩個星期，而喺上星期（3號），香港都正式推出。Set入面有BTS成員鐘意嘅10粒麥樂雞、薯條同飲品，仲有喺韓國研發嘅辣醬。
dispatch
韓國M記仲為咗紀念BTS出道，由6月12-13號，只要買BTS餐就會送一張寫住生日快樂字句嘅紫色小卡。
喺（2號）韓國官方M記 IG就po咗3間以BTS應援嘅紫色做佈置，包括有고양 삼송DT （高陽三松DT店）、 부산 황령DT （釜山荒嶺DT店）同埋청담DT（清潭DT店）。為咗吸引更多人去買BTS餐，睇嚟M記都花咗唔少功夫，唔知香港又會唔會有咩特別嘅佈置呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
