韓國校規爭議
內衣唔可以有花紋，同一定要白色？最近韓國校服爭議
Hello，大家好，我哋係由韓國人每日提供最新韓國旅行資訊嘅Creatrip。
喺上個月10號，首爾市轄區內嘅129間女子初中同高中入面，有31間學校公佈咗同內衣相關嘅學校規定。相關學校喺校規入面明確規定咗內衣穿着義務，部分學校喺細節上仲指定咗要白色、黑色、同皮膚相似嘅顏色等，仲有限制內衣嘅花紋、有冇蕾絲等，甚至有學校表白違反內衣穿着規則嘅時候會扣分。
韓國校規爭議
연합뉴스
相關修訂案喺呢個月5號舉行嘅首爾市議會全體會議上獲得通過，有望喺實際條例入面得到反映。事實上呢啲內衣規定，唔係只係首爾嘅問題。根據上年發表嘅《忠北初高中學生生活規定專項調查》，211間學校入面有19.9%嘅學校限制內衣、襪、絲襪顏色同形狀。
另外，雖然以女生爲對象進行限制嘅情況比較多，但都有某高中以男生爲對象嘅內衣規定「內衣同恤衫必須攝入褲入面」。
如果調查範圍擴大到全國，預計會有更多學校有內衣相關校規。
한국일보
青少年人權行動團體「asunaro」表示：「首爾仲保留住（內衣相關）規定，對此感到好憤怒。」佢哋仲表示：「學校經常主張呢啲係通過家長、教師、學生嘅協議而制定嘅規則，協議上應該存在尊重學校成員權利嘅原則。」
通過《學生人權條例》明示保障學生權利嘅地區有京畿道、首爾特別市、光州廣域市、全羅北道、忠清南道、濟州道總共6個地方。
不過各個地區條例內容唔同，同一地區嘅學校之間都各自有唔同嘅規定，所以實際上好難切實感受到衣着同頭髮自由。
就讀京畿某高中嘅黃某表示：「著外套會被扣分」，「女學生要著褲，就必須向學校證明腿上有傷痕或者疤痕。」
韓國應該儘快制定保護學生人權制度，呢一種古舊嘅思想一定要快啲清除。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
