Hello，大家好，我哋係由韓國人每日提供最新韓國旅行資訊嘅Creatrip。
喺韓國，每逢每個月最尾嘅星期三都係文化日！喺呢一日會有好多優惠俾人去參觀同享受呢個文化日㗎！大家可以先記底，下次嚟嘅時候就可以享受到最多嘅優惠！
韓國「文化日」
咩係「文化日」？
韓國由2014年1月開始就開始舉辦「文化日」！係以降低文化設施嘅門檻，令市民可以容易啲去體驗文化生活，所以每個月最後一個星期三就「文化日」嘅出現，喺呢一日一啲主要嘅文化設施都可以打折或者免費去體驗。 另外爲咗上班族都可以好好利用呢一日，有啲場所甚至會營業到去深夜。
外國人遊客都有優惠？
事實上，呢個文化日嘅優惠活動唔單止淨係為韓國人而設，無論係韓國人定係外國人都可以用㗎！
有啲咩設施有優惠？
戲院、音樂劇場
雖然韓國嘅電影票價係比香港嘅貴少少，不過只要一到文化日由晏晝5點到9點嘅電影票都只係￦7,000就可以睇到，不過3D等電影就要再加少少錢，仲可以預約定㗎！
不過大家就要注意，唔係所有電影院都有做緊呢個優惠，另外根據唔同嘅演出場地，仲有啲為咗文化日而有特別嘅節目㗎！
體育賽事
呢個就係睇四大體育、籃球、芭蕾、足球、棒球等比賽嘅時候可以用，同上面提到嘅電影院同音樂劇有啲唔同，有文化日嘅嗰個星期二到四嘅門票有5折優惠。
圖書館
文化日嘅嗰一日，借書嘅數量可以借多一倍，另外仲會舉行人文學講座同特別節目等文化講座。
美術館、博物館
美術館同博物館的話就可以免費入場或者可以用優惠價入場參觀，營業時間比平時長，同時仲會有免費導覧㗎！
文化遺產景點
喺文化日仲可以免費體驗韓國珍貴嘅文化遺產。景福宮、昌慶宮、昌德宮、德壽宮、宗廟等都係免費參觀。 唔單止喺首爾，其他地方都可以免費參觀，例如：水原華城、華城行宮等，濟州島民俗自然史博物館除咗會免費入場外仲會舉行特別文化演出等。
係唔係覺得有好多優惠呢？所以大家一定要mark底，下次嚟韓國就唔好錯過星期三文化日喇！
如果有更多想知嘅內容，都可以隨時留言或者dm話俾我哋知：）
Instagram：creatrip.hk