Hello，大家好，我哋係由韓國人每日提供最新韓國旅行資訊嘅Creatrip。
大家應該都知道韓國嘅送外賣服務係非常發達！ （順便細細聲同大家講吓，透過我哋嘅Creatrip都可以幫大家訂送外賣服務服務㗎！）不過除此之外，大家又知唔知道韓國e-商務中心嘅配送系統都好發達㗎？最近幾年好多網上購物中心開始提供一日配送同凌晨配送服務。今日小編就同大家介紹一下韓國嘅配送服務文化同韓國人最常用嘅網上購物配送系統啦！
韓國網上購物主要網站
1. Coupang
Coupang係韓國最大嘅網上綜合購物中心，以購物apps嚟講，係最多用戶用緊佢，而喺今年1月，就大概有2,000萬人喺coupang用咗2萬4000億韓幣！
| 商品 | 金額 | 時間 | 地區 | |
| Rocketl配送 （會員制） | 大部分商品 |
|
| 首都圈同一部分地區 |
Rocket Fresh | 新鮮食品 |
|
| 首都圈同一部分地區 |
2. Market Kurly
Market Kurly係韓國嘅專門賣新鮮食品嘅網上購物中心，佢哋係將品質放喺第一位，所以以售賣高質素食材而聞名。聽講係20幾歲到40幾歲嘅女性最常用，因為佢哋都係想食得更健康更安心。
| 商品 | 金額 | 時間 | 地區 | |
| 速遞配送 | 新鮮食品 |
|
| 全韓國大部分地區 |
新星配送 | 新鮮食品 |
|
| 首都圈 |
3. E-mart (SSG.com)
E-mart係新世界嘅旗下公司，所以新世界網上購物網頁入面都有E-mart可以送貨，大家可以直接喺度買實體店賣緊嘅商品，唔洗親自去，喺屋企都可以好輕鬆咁買到！新世界.com嘅配送服務最大嘅特點就係可以揀日期或者時間進行配送。喺想要嘅時間內收貨，咁就可以食到最新鮮嘅食物，亦都係最大嘅優點！
| 商品 | 金額 | 時間 | 地區 | |
| 「嗖」配送 | 大部分商品 |
|
| 全國大部分地區 |
| 凌晨配送 | 新鮮食品同生活用品 |
|
| 首都圈 |
韓國配送系統優點
1. 又快又方便
韓國配送系統最大嘅優點就係又快又方便，如無意外，無論係食品定係家電產品、傢俱，一日之內都可以收到！
特別係食品，收工之後先去超市的話，通常都只係剩底一啲新鮮度或者質量稍微差少少嘅商品。 利用韓國嘅新鮮食品配送系統，收工就可以收到最新鮮嘅食品，小編認為係爲忙碌嘅現代人提供最好嘅服務之一！
2. 唔洗直接收貨都得
韓國配送最特別嘅一點就係唔洗直接收貨，訂嘅時候只要喺配送要求事項度寫底想要領取嘅位置，就可以喺指定地點領取商品。
特別嘅係，自從疫情之後好多人都會將貨件揀放喺門口領收，韓國周圍都有閉路電視，所以偷快遞事件並唔常見！
通常貨件到達收貨地點之後，就會send message俾收貨人，所以真係好方便㗎！
3. 親環境食物袋
쿠팡
最近隨住保護環境成爲熱門話題，大型網上購物中心企業都追求緊環保配送，其實只要收一次快遞，就會有好多紙箱垃圾！
이마트
Coupang嘅rocket配送同e-mart嘅凌晨配送係可以將商品裝入名爲「Freshbag」同「Albi bag」嘅保溫袋入面配送，咁就可以環保啲，唔會製造咁多紙箱垃圾。 另外收到商品之後保管好保溫袋，下次訂購嘅時候只要放喺門口，快遞員就會收返，又方便又環保！
마켓컬리
由2019年開始，Market Kurly開始實行「All paper challenge」，將配送用包裝材料改爲可再利用材料，100%使用紙盒同紙帶，用紙包裝嘅水袋代替冰袋。 聽講實施呢一個挑戰之後，一年間總共節約咗4831噸塑料，係唔係好勁呢？
韓國配送系統缺點
1. 送錯貨同配送延遲問題
當日配送同凌晨配送最大嘅問題就係送錯貨同配送延遲問題，其實都有唔少物品送咗去錯誤嘅地址，或者係喺約定嘅時間內收唔到嘅情況。
쿠팡 뉴스룸
包括之前介紹嘅三家企業在內，好多企業提供當日配送同凌晨配送服務。 事實上其實呢種服務先啱啱開始咗5年左右，仲未去到好成熟。再加上上年疫情導致訂購數量暴增，物流中心負荷太大，令到呢啲問題變得更加嚴重。
쿠팡 뉴스룸
當日配送同凌晨配送市場喺咁短時間之內急速增長，發生呢啲問題其實係理所當然。爲咗提供更好嘅服務，企業需要制定具體補償標準，以防發生上述問題，預計需要投入更多嘅人力去發展。
2. 快遞工人嘅人權
不過韓國配送系統亦都存在咗一個好大嘅問題，就係快遞員過重嘅業務，原來韓國嘅快遞工人自從疫情之後，配送量大幅增加，直到2020年因為長時間工作面死亡嘅快遞工人就有16名。
快遞工人並唔係淨係從事配送工作，仲要做分類作業（按配送區域分類物品）同集貨作業（回收物品後發送到廠）等都係快遞工人嘅工作。主要係凌晨返工去進行分類工作，一直送貨到夜晚，夜晚同凌晨再集貨，甚至呢樣分類工作係冇錢收，係唔係好誇張？
上年過世嘅快遞工人金某喺死亡前一個星期每日配送200至300個左右嘅快遞，直到凌晨仲做緊進行分類工作同集貨。
한겨레
喺2021年1月，爲防止快遞工人過勞而死就達成咗協議。 承諾分類工作唔係由快遞工人負責，而係由快遞公司負責，每日最多只可以工作12個小時（一星期最多60個小時）。 不過由於上述協議中嘅凌晨配送企業冇參與，所以凌晨配送就繼續維持好似之前咁。
正因為係咁，小編身邊嘅朋友入面，有對快遞工人人權關心的話，都唔會故意訂購凌晨配送或者深夜配送。
今日睇完有冇覺得對韓國速遞了解多咗呢？希望韓國可以儘快改善快遞工人嘅工作環境同人權，令快遞司機都可以好幸福咁工作，而我哋都可以繼續享受便利嘅服務！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
