新奇又新穎嘅韓國美容單品
好奇怪但又會好想要嘅K-Beauty商品！你又會唔會想買返件嚟試？
Hello，大家好，我哋係由韓國人每日提供最新韓國旅行資訊嘅Creatrip。
大家有冇聽過「K-Beauty」呢？ K-Beauty係代表韓國美容產業同美容文化嘅單詞，證明韓國喺美容產業獲得好大嘅發展！
今日小編就想同大家介紹幾個韓國美容單品入面好神奇又新穎嘅產品，我哋一齊睇落去啦！
新奇又新穎嘅韓國美容單品
1. 唇卡
라네즈
價格：1500韓幣（一片）
呢款唇卡片係由Laneige推出，到底係點用嘅呢？只要撕咗塑膠膜，將卡片折成一半，然後搽喺嘴唇就可以（嘴唇形狀嘅卡片就係唇膏嚟）。
Youtube Tina Yong
可能每次帶唇膏出街都好麻煩，因為如果帶個細啲嘅袋就可能裝唔住，呢一種唇膏卡就可以好方便咁放喺銀包入面，亦都因為呢張卡片沾滿晒唇膏，所以啱晒補妝用，帶住佢出成日街，一日用完就可以扔，真係超級方便。
2. 瀏海濕紙巾
어퓨
價格：2000韓幣（1包10張）
大家有冇一個煩惱，就係無論朝頭早幾咁認真去整瀏海，一到晏晝瀏海就會好油淋淋，特別係夏天嘅時候狀態係最差，如果有呢一款瀏海濕紙巾的話，就可以消除大家嘅煩惱。
어퓨
用濕紙巾將瀏海包住之後輕輕抺一抺，大家可以等瀏海慢慢變乾或者用風筒輕輕吹乾亦都得。
어퓨
如果淨係帶住呢個瀏海濕紙巾的話，夏天或者落雨都可以好似右圖咁一直維持乾爽同靚靚嘅瀏海狀態！
3. 黑頭卸妝棒
ibeauty lab
價格：11900韓幣
唔知大家有冇因為毛孔同皮脂有壓力呢？可能最近因為疫情，小編成日要戴口罩，所以毛孔都變大咗，亦都因為皮脂明顯增多，所以化妝嘅時候成日都會覺得有啲浮粉。用手擠嘅話毛孔會變大，而用鼻貼的話可能會整皮膚，所以呢個時候就要用呢款黑頭卸妝棒。
유튜브 KDK COSMETICS
洗完面之後，喺油脂多嘅地方不停打圈圈，就可以去除黑點、白頭、角質！
유튜브 KDK COSMETICS
再加上用咗天然提取物唔會對皮膚造成刺激，同時仲具有鎮定同保濕功能！
4. 磁石面膜
옥션
價格：30,000韓幣 （一套4組）
一上市就喺韓國好受歡迎嘅磁鐵面膜，將磁鐵搽喺面度可能聽落有啲奇怪。不過聽講佢哋係話用無害成份嘅鐵，同係天然提煉出嚟嘅原料製成嘅面膜，就好似泥漿面膜咁搽喺臉上就可以。
유튜브 딩고 뷰티
而最特別嘅係，佢唔係洗面洗走面膜，而係用內置嘅磁性面膜清潔器將磁鐵抽出嚟，利用磁鐵嘅性質去除面膜，所以對皮膚一啲刺激都冇。
5. 辛辣唇彩
핫토미
價格：15,900韓幣（一支）
大家想唔想要有魅力嘅厚嘴唇呢？ 如果食辣野嘅話，大家嘅嘴唇係唔係會腫起呢？Hot Tommy嘅辛辣唇釉就係利用咗呢個作用，令到嘴唇更加豐滿。
유튜브 신여성의 화장대
如果大家嘴唇較薄或者唇紋多的話，用呢款產品嘅話真係好好。佢係由原味、辣味、超辣味唇膏組成，根據想要嘅立體感選擇辣度即可。雖然唔係食辣野，但係就感受到食辣嘅感覺，每次用佢都好有趣。
6. 肉毒桿菌面霜
하프문
價格：149,000韓幣（一盒）
呢款護膚品被稱爲肉毒桿菌嘅額頭豐盈面霜同半月面霜，堅持搽呢款面霜，就可以改善肌膚彈性，令到肌膚更有立體感，打造豐盈額頭。
유튜브 what's in my bag
Apink成員夏榮都喺YouTube上面介紹過呢款半月霜！ 有重要拍攝嘅時候就一定會搽。根據夏榮介紹，堅持用2~3個月左右，可以明顯感覺到額頭嘅立體感。出道10年嘅女團成員用嘅面霜，係唔係好值得信賴呢？
以上就介紹咗韓國人之間有神奇又新穎嘅美妝單品，唔知大家又會唔會想買呢？
如果對以上商品有興趣嘅朋友，都可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
