Hello，大家好，我哋係由韓國人每日提供最新韓國旅行資訊嘅Creatrip。

又嚟到考DSE嘅季節，相信咁多位考生都好努力咁備試，咁大家又知唔知韓國人考大學入學試之前，會做啲咩同唔做啲咩呢？今日就等小編同大家分享吓佢哋考試前嘅小迷信啦。

考試前唔可以做嘅事

1. 飲海帶湯

雖然大家都知道韓國人生日會飲海帶湯，不過當佢哋考試嗰陣就一定唔會飲。因為佢哋覺得海帶係好滑，所以食咗之後就好容易喺榜上面滑落，有啲似我哋香港話食雞蛋，就會攞零雞蛋嘅概念。

2. 食粥

小編覺得唔可以食粥呢樣嘢同香港嘅講法都有啲似，因為韓國人覺得食粥就會搞到好似一鑊粥咁，令人產生一種成件事搞衰咗嘅感覺，所以佢哋都會喺考試之前避免食粥。

---

3. 洗頭髮

시장경제

唔可以洗頭髮呢樣嘢喺香港真係冇聽過，通常都只係話大肚婆坐月唔可以洗頭髮，冇聽過考試之前唔可以洗。原來韓國人覺得洗頭髮會將個腦入面記低嘅嘢全部一齊洗走曬，令佢哋唔記得之前溫書溫過嘅嘢，咁睇都算係一個幾迷信嘅講法。

---

考完試不如嚟韓國整返個韓仔/妹頭？

---

4. 剪指甲

喺韓文入面剪指甲嘅「剪」（갂다、자르자），同減分數嘅「減」係用同一個動詞，所以佢哋為咗唔好減分數所以就有呢個迷信。

---

考試前可以做嘅事

1. 食啲黏牙嘅食物

MONEYS

喺韓文入面，要講考試pass嘅話會講합격（合格），或者係통과（通過），而仲有一個就係붙다（有考上到同黏住嘅意思），有種係黏上去考試名額嘅意思，所以考試前佢哋會食年糕或者麥芽糖等等黏牙嘅食物，務求可以合格。

---

2. 食/飲名門大學出嘅產品

한국경제

韓國人仲要為咗考入好嘅學校，會買各大名門出嘅產品，例如係延世大出嘅牛奶，或者係首爾大出嘅朱古力等等。食完佢哋嗰啲產品，都會容易啲入到佢哋間大學，如果當年小編考DSE嗰時，中大、港大有出呢啲產品嘅話小編應該一定買哈哈哈。

---

3. 帶叉同釘書機

亦都有好多韓國人會帶叉同釘書機去考場就可以估答案嗰陣會估得準啲，因為喺韓文嚟講用叉同釘嘢都係用（찍다）呢個動語，同估答案用嘅動詞係一樣，所以佢哋就會特登帶呢兩樣嘢務求自己估答案都可以估得準啲，真係幾神奇。

以上就係韓國人考試嘅小迷信，如果大家仲知道其他小迷信嘅話不妨留言話俾小編知  

---

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購