Hello，大家好 ，我哋係由韓國人每日提供最新韓國旅行資訊嘅Creatrip。
大家都應該知道韓國代表性嘅藝人GD，佢喺1988年出世，小小年紀就成功，估計擁有大概450億韓幣嘅資產，不過聽講有個同佢同齡男性賺嘅錢比佢更加多，而嗰個人就係韓國嘅網絡講師玄宇鎮。
今日小編就同大家介紹一下比藝人仲出名、賺嘅錢仲多嘅網絡講師職業！
韓國網絡講師職業介紹
線上補習
jtbc
因為疫情影響，全世界有好多補習班都改咗喺網上進行，不過原來喺韓國，由2000年代初期開始，網上補習班就已經好流行！
如果大家有睇過韓國電視劇《天空之城》或者《The Penthouse》，就會感受到韓國對子女嘅教育到底有幾嚴格。
jtbc
韓國好重視學歷，所以由細開始就以入到好嘅大學爲目標去學習，亦都因為係咁小學開始上各種補習班係必然嘅事，而且正式準備高考嘅高中生，會更加努力去報各種補習班去令自己進步，喺嗰個時候就有好多人報網上補習班。
유튜브leejiyoung official
當然，除咗爲大學入學考試嘅網上補習班之外，仲有爲咗攞資格證或者就業嘅網絡補習班。加上高考每年大概係有50萬名考生嘅大規模考試，所以高考網上補習班嘅市場規模係好大，今日小編會將焦點放喺高考嗰啲網上補習班度解説俾大家聽。
유튜브 theMEGASTUDY
所謂嘅網絡授課，大致有兩個版本：
第一：有演播室講義版本，老師會租用攝影棚進行拍攝，通過上傳嘅方式去聽堂。
第二：有學院授課版本，拍攝學院實際授課嘅內容，編輯之後再喺網上上堂嘅方式。
theqoo
呢種網絡授課有好多優點，因爲比較高質嘅私家教育大部分都係集中喺首爾，所以唔係首爾生活嘅學生好少有機會去聽呢種私家教育。
orbi
特別係首爾江南同鷺樑津聚集咗大部分嘅補習班，甚至仲有好多去聽補習班課程嘅學生住嘅考試院。
不過最得益嘅都係網上補習班，因為即使唔係喺首爾生活，都可以上到高質嘅補習班，甚至比實際去上堂仲要平好多。
SKYedu
咁大家係咪都好好奇呢啲網上補習班可以喺邊度聽呢？
韓國有好多網絡授課平台，Megastudy、Etoos、Skyedu、大成MyMac等都係代表性嘅網絡授課平台網站，就好似藝人簽約娛樂公司咁，進行網上補習班授課嘅網絡講師都係屬於呢種模式去簽約。
Etoos
網絡講師同網上補習班平台簽訂專屬合約，喺簽約期間，佢所影嘅所有網上補習堂都只可以喺佢哋嘅授課平台上面睇。如果佢哋聘請咗出名嘅講師，佢哋公司嘅銷售額都會即刻上升，所以好似呢啲情況咁，佢哋啲訂金會超過100億韓幣。
舉個例子，有個網站係14年嚟一直銷售額都保持喺第一位，不過隨着佢哋入面最出名嘅數學講師轉到去另外一個網站，佢哋嘅銷售額即刻跌到落第二位，大家就可以知道網絡講師嘅力量到底有幾勁，咁到底佢哋係啲咩人嚟嘅呢？
網絡講師
서울경제
網絡講師雖然一開始冇固定嘅渠道，但係大部份都係通過相似嘅渠道進行網絡授課。佢哋大部份都係由學院講師開始做起，有啲就係做啲小型補習班，細規模咁教學生。
kbs news
做補習社嘅講師係好似香港咁，唔需要有咩特別資格證。專科大學畢業生或者有相同水平以上學歷嘅人都可以註冊成為學院講師。
其實對於補習社嘅講師嚟講，最重要都係教書嘅能力，如果好好咁教學生，學生人數自然會增多，口碑都會變好。
Etoos
喺啲細嘅補習班累積經驗，再轉到去規模比較大嘅大型補習社，嗰陣開始就應該會接到啲網絡授課公司嘅邀請，通過合約就可以開始做網絡講師，所以網絡講師唔係想做就可以做到，係要透過不斷累積經驗先可以有機會做到嘅職業。
tong
另外如果想成為有人氣嘅講師，就必須要有魅力，以人氣著稱嘅講師大部份都有幽默嘅口才，同事可以兼備引領學生前進嘅領導風範。
유튜브 메가스터디
亦都因為呢啲而成爲咗賣點，所以最近網絡授課公司嘅官方YouTube頻道仲剪輯咗網課講師嘅有趣笑話同故事，要想成爲咁有人氣嘅講師，真係需要付出一切努力。
網課教師年薪
網絡講師嘅年薪由同公司嘅定金、講課費同教材銷售費構成，所以網絡講師嘅年薪係根據唔同嘅講師而有所不同。
因爲知名、教得好嘅講師真係形成咗好似偶像粉絲級嘅人氣，所以講課費同教材銷售費都可以費啲，因爲教材都係講師親自編寫，所以版權都歸講師所有。
유튜브 theMEGASTUDY
另外就好似前面提到嘅咁，爲咗帶走呢啲人氣講師，公司會支付巨額定金，所以佢哋嘅年薪係超乎想象。
중앙일보
爲咗處理佢哋嘅業務，會同經紀人、祕書同多名助教一齊工作。TOP 10嘅人氣講師，幾乎都有30位工作人員一齊工作，根本就係一間小企業！
咁小編就介紹一下喺韓國賺得最多錢嘅兩位網絡講師啦！
1. 玄宇鎮（音譯）
메가스터디
而家韓國人氣網絡講師入面收入最高嘅人就係最初介紹嘅數學講師玄宇鎮。
玄宇鎮係斯坦福大學嘅數學系出身，10年前開始就喺江南嘅學院好出名，而家以2021年爲基準，喺線上科目聽課綜合排名第一。
페이스북 메가스터디
2018年玄宇鎮喺自己嘅Instagram上面講過自己製作嘅教材總銷量爲99萬本，至今爲止製作同銷售嘅書全部堆起來的話，係珠穆朗瑪峯高度嘅3倍咁多。
tong
雖然係冇公開到準確嘅年薪，但估計大概係喺200億到300億左右，世界級足球選手孫興慜嘅年薪都先大概係108億，可見佢嘅年薪有幾高。
유튜브 theMEGASTUDY
聽講佢住喺價值250億韓幣左右嘅韓國最貴公寓入面，擁有喺江南320億韓幣左右嘅財產，唔洗貸款用現金購買，睇嚟佢做網絡講師真係賺唔少。
2. 李智英（音譯）
이지영 트위터
李智英都係非常出名同有人氣嘅網絡講師，佢望要係教社會科目，累計聽講者超過300萬名。
유튜브 leejiyoung official
李智英係衆多高中生嘅偶像同榜樣，雖然度過咗好貧困嘅童年，不過每日淨係瞓3個鐘，好勤力咁去學習，去到而家獲得好大嘅成功，所以李智英以向學生提供好多對人生有幫助嘅建議而聞名。
유튜브 leejiyoung official
李智英曾經通過自己嘅YouTube頻道QnA提及過自己嘅財產，2014年之後年薪從未下降到100億韓元以下。 另外應訂閱者的要求，公開咗一個賬戶嘅存摺餘額，足足有成130億韓幣左右嘅現金。
유튜브 leejiyoung official
李智英以鐘意超級跑車而聞名，擁有林寶基尼、法拉利等10輛左右高級汽車，甚至擁有私人遊艇，真係好犀利。
今日就同一齊了解咗韓國特殊嘅職業—網絡講師，相信大家如果冇睇呢篇文都唔知佢哋嘅人工有咁高，如果大家仲想睇關於呢一類嘅文章的話，不妨留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
