韓國黑色情人節介紹
韓國專為單身嘅人而設嘅特別日子?黑色情人節係啲咩嚟?要做啲咩呢?
Hello,大家好,我哋係由韓國人每日提供最新韓國旅行資訊嘅Creatrip。
韓國一年有14個情人節可能大家都知道,但大家又知唔知每年4月14號係韓國嘅黑色情人節呢?黑色情人節係爲單身嘅人而準備嘅非正式紀念日,咁4月14號點解會成爲咗單身日呢?今日小編就會同大家一齊了解下黑色情人節嘅文化啦!
韓國黑色情人節
由來
大家都應該知道,2月14號係情人節,通常係向心儀嘅人表達自己內心想法嘅一日。不過韓國就有啲唔同,喺2月14嗰日好多女仔都會整朱古力俾自己嘅男朋友或者想表白嘅對象。
咁男仔就會喺一個月之後嘅3月14號,白色情人節嗰時俾女仔一啲糖,嚟報答返情人節收到嘅朱古力。
如果喺2月14號同3月14號都冇收到朱古力或者糖嘅單身人士,就會喺4月14號慶祝黑色情人節。
關於黑色情人節呢個名嘅由來其實有好多個講法,第一種講法就係如果白色情人節係用白色嚟表現情侶嘅幸福,咁黑色情人節就要用黑色去表現單身嘅悲傷。
第二個講法就係,因為單身嘅人喺情人節同白色情人節咩都冇收到,心入面漆黑一片,所以就用呢個你表達出單身嘅悲哀。
咁黑色情人節會做啲咩呢?
喺4月14號,韓國人就會食啲黑色嘅食物,作為應節活動。 雖然有好多種食物都係黑色,不過最具代表性嘅就係炸醬麵,單身嘅人會喺黑色情人節嗰陣聚埋一齊食炸醬麵,被免自己一個咁孤單。
炸醬麵係中國傳統料理傳入去韓國之後,經過當地化演變而成!事實上因爲已經變成同中式炸醬麵完全唔同嘅食物,所以與其話係中餐,不如話係以中餐爲基礎嘅韓食更加適合。基本上係用食用油炒所有材料,所以係好油膩嘅食物。而且春醬本身係大豆同麵粉發酵而成,仲加咗好多白糖同調味料,所以都算係邪惡美食之一。
不過食多咗都會覺得膩,所以韓國人會配泡菜同醃蘿蔔去中和油膩嘅味道,鐘意食辣嘅人仲會落辣椒粉一齊食!
매일 경제
炸醬麵本身就好受韓國人歡迎,所以都有推出即食拉麵版本,電影《寄生蟲》入面出現嘅炸醬麵就係即食拉麵啦!
好多人應該都知道韓國叫外賣文化好方便! 無論係炸雞定係甜品,韓國真係冇一樣嘢係送唔到。原來呢種送餐文化嘅原祖就係送炸醬麵,炸醬麵可以話係所有外賣嘅祖先,睇返記錄,由20世紀60年代開始就巳經有炸醬麵外賣!
오마이 뉴스
韓國代表性嘅外賣app《外賣的民族》或《Yogiyo》上市之前,除咗炸醬麵之外,外賣嘅食品淨係得炸雞同pizza。當時唔係用app,而係用電話叫炸醬麵,因爲大部分嘅中華料理餐廳都係提供送貨服務,所以街道同建築物入口都會貼咗中華料理餐廳傳單。
뉴스엔
睇到傳單之後打電話俾店家,講底地址同想食咩嘅話,外賣員好快就會送上門!至於炸醬麵點解會咁受歡迎呢? 因爲炸醬麵完全符合到韓國人嘅口味! 而且價格都比其他外賣平,所以可以毫無負擔咁食! 相反過去韓國貧窮嘅時候,炸醬麵係好珍貴嘅食物,所以有喺特別嘅日子先可以食到嘅概念。
無論係中學畢業典禮定係搬屋嘅日子,大家都會去食炸醬麵, BTS柾國喺高中入學儀式同畢業典禮嘅時候,都同成員去咗中華飯店食炸醬麵!呢種炸醬麵對於韓國人嚟講,係好受歡迎嘅食品,所以可以安慰到冇得過情人節同白色情人節嘅單身食物。
唔知大家睇完又對黑色情人節又有冇多咗了解呢?之後嚟韓國唔一定係黑色情人節,肚餓想試吓叫炸醬麵都可以搵我哋幫手代叫外賣㗎!
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com