韓國實力派國民歌手
韓國實力派國民歌手！比起海外，國內更多fans！每一次出新歌都會喺榜首！
Hello，大家好 ，我哋係由韓國人每日提供最新韓國旅行資訊嘅Creatrip。
喺韓國音源排行榜上，大家除咗會留意自己鍾意嘅偶像之外，會唔會留意到其他名次嘅歌手呢？雖然Kpop文化影響到唔少人，但有一啲歌手雖然冇偶像咁出名，但佢哋喺韓國國內，人氣一啲都唔輸蝕，每一位都好有實力，今日小編為大家介紹以下嘅歌手，大家又識唔識呢？
韓國實力派國民歌手
張凡俊
睇名可能唔知邊個？但一聽到佢把聲即刻會認得！佢憑住〈櫻花結局〉一曲，只要一到春天就會成為佢嘅天下，2012年出道到而家，只要出新歌都會獲得好成績。2019年《浪漫的體質》OST〈在花叢搖曳中感受你洗髮精香氣〉同《張凡俊3輯》〈和你慢慢地〉、〈在練歌房〉幾曲長期霸佔音源榜上位圈，成為張凡俊大紅年代。
林英雄
呢幾年除咗Kpop受到全世界人愛戴之外，喺韓國Trot相當受歡迎，出演《Mr.Tort》拎第一名嘅林英雄，比起海外，韓國本地相當多fans，2020年底，林英雄發表新歌〈HERO〉，當時晏晝出歌竟然可以即刻喺MELON音源榜排第二名，證明有唔少fans先可以達到呢個成績。
尹鍾信
尹鍾信除咗係一位歌手之外，同時仲係一位主持人同經紀公司負責人，其實佢都有過唔少家傳戶曉歌，但講到最多人知嘅，應該就係2017年發行嘅抒情歌〈Like It〉。尹鍾信喺韓國歌壇享有崇高地位，每個月定期推出嘅《尹鍾信月刊》都會發行翻唱曲或新歌，甚至會同各大歌手合作，例如太妍、ZICO、WINNER昇潤同MINO等。
MAKTUB
MAKTUB可能大家有啲陌生，但喺韓國，佢嘅抒情歌得到公認，一曲〈Marry Me〉更成為當年最浪漫情歌（但一開始係由其他人唱紅）。MAKTUB其他歌〈致今日也閃耀的你〉喺韓國相當熱門，2019年發行至今仍然喺音源上位圈。
IU
IU唔使小編多講，大家都知佢國民度有幾高！只要一出新歌，就會登上榜首，而且除咗韓國本地fans之外，海外fans更係不勝其數。當年三段式高音〈Good Day〉開啟IU神話，係大家公認嘅音源大霧！
臉紅的思春期
同樣被稱為音源大霧嘅臉紅的思春期，當年以〈Galaxy〉一曲成功逆行音源榜首。雖然喺禹智潤退團之後，而家一人活動，聲勢唔同以前，但希望日後嘅作品都可以再次大發啊！
樂童音樂家
樂童音樂家係韓國全創作型兄妹組合一佢哋亦係音源大霧保證，每一次出新歌，都會橫掃各大音源排行榜！
任昌丁
對海外fans嚟講可能有啲陌生，但佢唱過嘅歌，都具備超高國民度，每一次發行嘅一定會上榜，佢現場唱同CD播嘅幾乎係冇分別！
CHANGMO
如果對韓國Rapper比較有關心嘅朋友嚟講，一定有聽過CHANGMO嘅歌，除咗Rap出名之外，佢好多歌都唔輸比Kpop偶像，而佢2019年底發行嘅〈METEOR〉雖然已經過咗一年幾，但仍然喺MELON榜嘅上位圈。
Paul Kim
被稱為情歌王子嘅Paul Kim，佢好多經典曲都係韓劇OST，例如《要先接吻嗎？》嘅〈Every Day, Every Moment〉、《德魯納酒店》嘅〈再見〉等，而Paul Kim嘅個人作品〈Me after You〉都係佢知名歷代級作品之一。
Heize
Heize一開始以Rapper身分出道，獨特嘅R&B式唱法虜獲無數fans嘅心，喺韓國亦被稱為音源大霧嘅Heize最有名代表作品有〈You, Clouds, Rain〉同〈Star〉，大家都一齊聽吓啦～
朴孝信
如果啱啱講到Paul Kim係情歌王子，咁朴孝信嘅稱號就係「抒情歌皇太子」，打開知名度嘅歌曲係2004年韓劇《對不起，我愛你》OST，翻唱自中島美嘉同名歌曲〈雪花〉。雖然後嚟因為官司纏身，沉寂咗一段時間，但2014年以專輯《野生花》重返螢幕，之後嘅發行嘅歌曲都好有知名度。
白藝潾
曾經係JYP娛樂旗下發展嘅白藝潾，以抒情嗓音累積相當多fans，2019年發行專輯《Our Love is Great》主打〈Maybe It's Not Our Fault〉達成JYPE旗下記錄，成為第一個破百萬收聽歌手。
後嚟發行嘅《Every letter I sent you.》主打為2017年已曝光嘅〈SQUARE(2017)〉，但亦穩居音源排行榜榜首，更寫下韓國樂史上第一次紀錄，全英文都入MELON百大榜單，而《愛的迫降》OST〈我再次在這裡〉更係再寫OST霸榜記錄。
比起海外，好多喺韓國本地都相當受歡迎嘅國民度歌手，大家又認識幾多位呢？佢哋只要一出新歌，就係橫掃音源榜單，相當厲害！另外如果有想推薦嘅歌手，歡迎大家可以留言同小編分享
如果有更多想知嘅內容，都可以隨時留言或者dm話俾我哋知：）
Instagram：creatrip.hk
