Hello，大家好，我哋係由韓國人每日提供最新韓國旅行資訊嘅Creatrip。
韓國古裝劇相信大家都睇唔少，可能都會知道喺以前嘅韓國要挑選人才，抑或平民要提高社會地位嘅話宦就唔少得科舉考試啦。科舉考試喺好多亞洲唔同地方都有，但古代朝鮮嘅科舉制度又同我哋所知嘅有咩唔同呢？今日就等小編帶大家一齊去了解吓啦！
朝鮮第一屆科舉考試
好多東南亞地區嘅科舉考試都係以中國嘅科舉考試系統為原型，包括以前嘅高麗同朝鮮王朝嘅科舉，韓國嘅科舉制定一直沿用到後來日殖時期先俾日本取消咗。高麗嘅第四任君主光宗喺在位嘅第九年引入咗呢個專門測試貴族嘅科舉考試制度（과거），透過呢個制度，就好似上面提到，唔單只係貴族，就算係庶民只要夠努力都可以參加考試，爭奪晉升上游社會嘅機會。呢個制度亦可以有效降低一啲冇能力又一直霸住官位嘅貴族勢力添。
科舉之前嘅系統
喺新羅時代初期，舊有嘅系統慢慢令君主難以集中控制政權，所以當時嘅人喺新羅中末期就開始研究新嘅管治系統（專制王權）。不過為咗國家嘅一統同強調對國家嘅忠誠心，當時嘅君主提出咗「儒教」嘅概念、名為「17官等（17관등）」嘅官位制度同埋「骨品制（골품제）」三樣嘢嚟治國。
當時新羅嘅階級制度「骨品制」分為九等，分別係最高嘅聖骨（王族）、真骨（有王族血統嘅貴族）、六頭品、五頭品、四頭品，如似類推去到最低嘅一頭品。當中就只係得四頭品以上嘅貴族先有資格做官，形成家庭背景比個人能力更加重要嘅現象，所以令到上游階級推滿咗一班做唔到實事嘅高官，因為佢哋無論能力幾差都可以世襲都官位。
呢種腐敗而且平民完全冇得參政嘅制度一直持續新羅文武王14年，直到高麗時期嘅光宗為咗防止身邊貴族嘅奪權同阻止政權再腐敗落去而提出科舉制度，呢個情況先得以改善。
點解會有科舉？
聽講以前嘅知識分子負責為君主做嘢，亦同貴族對抗，所以佢哋會成為重要嘅政治顧問，喺王室入面扮演關鍵嘅角色。之所以因為咁每年先會有咁多庶民希望喺科舉考試攞到好成績，務求可以喺王室擔任要職。後來新羅政權瓦解之後，貴族階段亦都跟住崩潰。直到早期嘅高麗時期，君主光宗希望知識分子同儒生等嘅人才可以為國家效力，所以就下令佢哋必須要進行科舉考試。
科舉考試嘅流程
科舉考試喺君主嘅提案通過並開始進行，之後隨住高麗王朝發展得更好，官僚體制變得更完善，科舉嘅考試制度就分為「預備考試」同「最終考試」。
到1004年，穆宗統治嘅第七年嘅時候，佢宣佈將名為「東堂監試（동당 감시）」嘅考試分做三場考試: 初級，縣或地區考試，同埋首都或者國家考試，而且有時都仲會有第四場「覆試（복시）」添。
考科舉需要識得啲咩？
大部分韓國王朝入面嘅考試，都會考核有關詩詞、歌曲、寫作、政治政策、法學、醫學同地理等等。科舉考試大概每兩年舉行一次，每次都會吸引全國各地超過6,700人嚟考試，希望爭取入王室做嘢嘅一席位。
參與科舉需要咩資格？
雖然官方係話所有人都可以參加科舉考試，但實際上得好少數嘅平民先可以做官，因為考科舉口唔單止需要豐富嘅學識，更加需要開放同有遠見嘅思考模式，而呢樣嘢係身為庶民階段嘅人係好難做到嘅事。佢哋每日只係為咗三餐都已經用哂所有時間，好難有太好嘅教育環境。所以雖然冇明文限制參加考試嘅資格，但實際上就只係得中游階級嘅後代先會有資格考科舉。
科舉有啲咩類型嘅考試？
講起科舉考試或者好多人都只會諗到文科同政治有關嘅考試，但事實上，除咗文科舉，都同樣有專門篩選年青力壯嘅人才去當兵嘅武舉。
考試成績排名
嗰啲通過哂三個考試嘅人稱為「甲科（갑과）」，當時嘅科舉會根據考生嘅成績分為第一名「甲科（갑과）」、第二名「乙科（을과）」、第三名「丙科（병과）」同「進士（진사）」。而只要考同進士以上嘅成績，就可以做官啦。
所有狀元喺下一年都可以參加「同年會（동년회）」 同成立「龍頭會（옹두회）」，用嚟同歷屆狀元交流，就好似我哋而家會有嘅校友會之類嘅概念。
以上就係對韓國古時科舉制度嘅一啲介紹啦，希望可以幫助到大家了解更多有關韓國以前考試制度嘅事啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
