韓國先會有嘅學系
喺香港一定唔會見到嘅學系？淨係得韓國獨有！kpop係可以讀啲咩？
Hello，大家好，我哋係由韓國人每日提供最新韓國旅行資訊嘅Creatrip。
小編記得之前浸大開咗一個學系叫做調理農務系，香港得佢一間可以讀到咁特別嘅學系，而韓國都有唔少學校開辦咗一啲韓國先會有嘅學系，分分鐘仲特別過調理農務系㗎！今日小編就會同大家分享5個得韓國先有嘅學系！一齊睇落去啦！
韓國先會有嘅學系
1. 韓國圓光大學 - 面部經營系
매거진 경제
韓國人好注重外表應該全世界都知，竟然圖光大學入面有面部經營系，係針對人嘅面部同體型進行研究嘅學系？
面部經營系畢業嘅話前路都唔錯，可以攞到好多資格證，有面部經營領域、服務經營領域，身體語言嘅必須學習理論同實際技能，係實踐印象諮詢能力嘅資格證。畢業之後可以做到企業人事擔當面試官，教育服務，印象學講師等，係幾唔錯嘅學系嚟㗎！
2. 全南科技大學 - 電子競技系
국민일보
電子競技專業分爲職業玩家課程、電子競技產業、電子競技應用(IT)三大類。 係針對電子競技嘅單一學科，都係唯一一間冇職業玩家課程嘅大學。喺電競發展得咁出名嘅韓國，一定唔少得有電競系啦！
3. 國際大學 - Kpop系
국제대학교
Kpop系係2013年喺國際大學首次新設嘅娛樂專業，爲咗可以盡情散發對音樂嘅熱情同自己嘅才藝，仲結合咗韓國國內大型企劃公司嘅明星培養演出或者音源製作等實戰教育，通過呢種方式培養實用音樂專家，鐘意kpop又想做練習生嘅大家又會唔會想讀呢個系呢？
4. 全南科技大學 - 泡菜發酵系
국민일보
泡菜係韓國嘅國寶之一，所以全南科學大學就有酒店烹調泡菜發酵系。喺入面就可以學習烹調泡菜嘅理論同熟讀效能等等，主要係培養餐飲服務嘅烹調人才，仲可以有利喺泡菜公司、觀光飯店同食品烹調方面就業，都可以考取多種烹調證書。
5. 韓屋建築系
뉴스1
韓國嘅傳統建築就係韓屋，為咗保護韓屋文化就有一個韓屋建築系。呢個系係主要培養文化遺產建築、韓屋設計同考察、建築施工嘅韓屋專家，最近三年內嘅就業率高達66%，多數喺文化遺產管理、建築工務員或者博物館等等就業。
大家睇完之後有冇覺得好神奇呢？小編就想韓國開一個韓國追星文化系！大家又想讀咩系呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
