韓國5個異地旅行打卡點
5個喺韓國好似去咗海外旅行咁嘅地方介紹！由首爾坐2個鐘頭車就去到希臘聖地聖托里尼！
Hello，大家好，我哋係由韓國人每日提供最新韓國旅行資訊嘅Creatrip。
新型冠狀病毒一直持續緊，韓國人都同香港人一樣，巳經有成1年冇得去海外旅行，亦因為係咁國內旅行嘅需求都增加咗唔少。今日小編就想介紹吓，喺韓國國內都可以感受到異地感覺嘅旅行地，大家之後嚟到韓國旅行都可以去吓！我哋一齊睇落吓有邊度啦！
異地旅行打卡點
1. 牙山 地中海村
E대한경제
牙山地中海村係被稱爲「韓國聖托里尼」嘅旅遊勝地，以聖托里尼白色牆同藍色屋頂爲主題嘅建築而出名。呢度一共分爲三個區域，主要設計概念分別係以：希臘嘅聖托里尼、巴森農神殿同法國嘅普羅旺斯建造而成。呢度總共有66棟建築，好多建築物嘅3樓都係被用作村民嘅居住空間，加上有咁多唔同主題，無論去到邊都可以影底人生照。
asan.go.kr
asan.go.kr
呢度用咗歐洲文化嘅建築樣式，去演繹異國風情，夜晚成個地中海村著燈嘅話，就會變得超級浪漫。週末嘅時候仲會有豐富嘅街頭演出，運氣好嘅話仲可能會遇到地中海村以物易物嘅跳蚤市場，大家之後嚟旅行的話，一定要去睇吓！喺首爾坐1號線都可以去到，真係好方便！
asan.go.kr
2. 春川 翡翠花園
트립갓컴
春川翡翠花園係可以感受到歐式庭院風情嘅地方，呢度由24個各種主題庭院構成，自然風景同異國建築相融合，係完美嘅人生照打卡位！ 事前預約嘅話仲可以影婚紗相㗎。
呢度亦有唔少韓劇嚟取景過，就好似有《那天冬天 風在吹》、《浪漫滿屋2》、《愛情雨》等等，就連韓國女團APINK嘅《Secret Garden》MV都係喺呢度拍㗎！
3. 加平 小法國村
문화일보
位於京畿加平嘅小法蘭西係好似巴黎南部奧爾良田園村嘅地方，再加上童話《小王子》嘅主題，更加顯異國風情。 小法蘭西仲有歐洲玩具之家、法國傳統住宅展示館、聖埃克蘇佩裏紀念館等多種唔同展館。
小法國村仲係《來自星星的你》、《貝多芬病毒》等電視劇拍攝地而出名，唔單止係韓國國內遊客，亦都係深受外國遊客喜愛嘅旅遊地之一。
4. 加平 小瑞士村
경기관광포털
下面就介紹吓同小法法國村一齊被選爲加平異國旅遊勝地嘅小瑞士村。
因為「我們結婚了國際版」喺小瑞士村拍攝而人氣大升，村入面有好多座色彩鮮豔嘅建築同各種圍繞瑞士為主題嘅展館，充滿童話感覺嘅小瑞士村係韓國近郊唔可以錯過嘅熱門拍攝地！喺呢度就可以遠離市區，欣賞到開闊嘅自然風景，仲可以進行餵動物體驗活動，係好啱同適小朋友一齊去嘅地方。
5. 南海 德國村
연합뉴스
南海德國村係20世紀60年代唔少喺德國嘅韓國人犧牲奉獻，去促進韓國嘅近代化同經濟發展，為咗令呢班僑胞可以定居返韓國並感受到母國嘅溫情，韓國政府推動建設去感受德國異國文化同有傳統民俗藝術村特色嘅旅遊區。
唔單止有異國風情，而且德國村前面仲有大海，風景更加靚，係享受海岸風景嘅最佳旅行路線。
大家睇完之後有冇好想去呢？如果大家之後有得嚟韓國旅行的話，一定要去睇下啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
