Hello，大家好，我哋係由韓國人每日提供最新韓國旅行資訊嘅Creatrip。

香港女仔嘅大忌就係嚟M嘅時候飲凍嘢或者食凍嘢，每次食親都會俾屋企人話對身體唔好，話會宮寒。不過大家又知唔知，韓國女仔根本就冇「嚟M唔俾飲凍嘢」嘅概念？今日小編就會帶大家去睇吓，韓國女仔嚟M都會飲凍嘢嘅秘密！

韓國女仔嚟M都會照飲凍嘢嘅秘密

1. 韓國飲食入面包含咗大量驅寒食材

파이낸셜뉴스

韓國有好多菜式都會加咗泡菜、大醬、辣椒、紫蘇葉、姜等材料，呢啲都係天然驅寒嘅食材，可以中和咗寒涼嘅食物。加上喺生活入面「熱性食物」食得多嘅話，體質就會自然偏熱性，所以就算飲凍嘢都唔會有太大影響。

2. 韓國燒酒

브릿지경제

韓國嘅燒酒、米酒都有好好嘅驅寒作用，喺韓國無論係男仔或者係女仔，都好飲得。除咗普通嘅酒之外，韓國人仲會飲藥酒，係針對自己嘅體質問題專門去配制。就好似上面講到，有驅寒作用的話，就算飲凍嘢都唔會有太大影響㗎。

3. 習慣

뉴스1

就好似四川人鐘意食辣一樣，都係由細養成嘅習慣；韓國人由細到大都係飲冰水，長久以嚟，身體各個器官一早就巳經對冰水有咗抵耐力，所以飲凍水嘅時候，並唔會有任何唔舒服嘅感覺。加上佢哋信冰水可以令腸胃有益㗎！所以係同香港一直聽到「熱水可以令腸胃有益」嘅講法係完全相反！

4. 韓國人由細就食紅參滋補

스포츠서울

韓國人由細到大都鐘意食紅參去滋補身體，如果體質唔夠好嘅話，屋企嘅長輩仲會俾唔同嘅補品去調理身體㗎！就係因為由細就開始調理身體，所以就算飲凍嘢都好，都唔會有太大影響！

大家睇完之後有冇覺得好神奇呢？如果大家仲知道其他原因的話，不妨留言話俾小編知！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購