韓國人專用手勢
一睇就知道佢係韓國人嘅專用手勢？喺韓劇見到又唔知點解？OK手勢原來係代表錢？
Hello，大家好，我哋係由韓國人每日提供最新韓國旅行資訊嘅Creatrip。
每個地方都有唔同嘅文化，就算香港同韓國都係喺亞洲地區，單單一個手勢就巳經有唔同嘅意思。今日小編就會介紹一下韓國人嘅專用手勢，下次一見到有人咁樣做，就可以知道佢係韓國人啦！
韓國人專用手勢
1.雙手合實再磨擦
SBS
成日睇韓劇嘅時候，見到有人做錯事或者請求人哋放過自己，原諒自己就會雙手合實再磨擦，再一邊講對唔住。就好似Super Junior嘅名曲《Sorry Sorry》咁，佢哋嘅編舞就係呢個手勢啦 ！
2. 雙手垂直握拳
韓國人真係好鐘意用呢個手勢，會用嚟鼓舞士氣，一邊雙手垂直握拳，一邊就大嗌加油！
3. 手掌向上做OK手勢
PIXTA
呢個手勢喺韓國同日本都係代表錢嘅意思，喺一啲唔適合講出聲嘅情況底下，韓國人就會用呢個手勢代表錢。
4. 模仿攞起燒酒酒杯，再彈舌頭發出聲音
주간아이돌
呢個動作應該大家喺韓劇嘅時候睇唔少，當想去飲酒嘅時候，就會扮攞住個燒酒杯，再用舌頭發出聲音，咁就代表問對方，去唔去飲酒嘅意思。
5. 用手做撥扇手勢
喺香港如果睇到有人咁做，可能會覺得嗰個人可能好熱想潑涼。不過喺韓國，用手做潑扇手勢就係代表好嬲，好激氣咁嘅意思。
6. 包剪揼手勢
平時我哋玩包剪揼嘅時候，只要出剪都會用「Ya或V」手勢，但喺韓國好多人出剪嘅時候，都只會出手指公同食指，有啲似係我哋香港俾「7」嘅手勢。
7. 一手托住另一隻手嘅手勢
因為要俾人一種禮貌嘅感覺，好多時韓國人都會用雙手，不過如果只係用單手嘅時候，韓國人另一隻手都會再托住自己手臂，無論係拎嘢定飲酒，大家都會經常見到。
大家睇完之後有冇諗返起之前喺韓劇睇到嘅手勢呢？如果大家仲知道其他韓國特別嘅手勢的話，不妨留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
