Hello，大家好，我哋係由韓國人每日提供最新韓國旅行資訊嘅Creatrip。
韓國嘅新造詞中入面有個字叫做「셀카꾼」，即係香港成日講嘅「照編」！ 因爲自拍相影得太好睇，好睇到好似呃人咁嘅水準而轉變出嚟嘅新字！韓國真係有好多影出嚟好靚嘅自拍app！今日小編就爲大家介紹2021年韓國人最常用嘅自拍app！大家睇完之後都可以試吓㗎！
1. SNOW
Snow由2015年上市到而家，一直係韓國最具代表性嘅自拍app！即使其他更好嘅app上市，佢都係一直受到好多支持者嘅熱愛，而家全世界更有2億以上嘅用户用緊！
Snow唔係單純嘅自拍app，佢仲有好多功能！
首先符合自拍app嘅美妝功能有好多選擇。
進入美妝標籤的話，唔單止可以調整面型、毛孔、提亮、五官嘅形狀同大小，甚至眉毛嘅形狀都可以調整！
唔單止可以調整基本面色同脣色，仲可以調整修容、胭脂、眼線、睫毛！即使係唔係幾識化妝嘅人，只要用一個APP就可以輕鬆幫自己化妝。
加上仲有好多款唔同嘅filter，有復古感覺同有膠捲相機效果嘅等俾大家揀。
Snow最值得關注嘅一點就係，同其他軟件相比，有好多唔同款式嘅filter！ 聽講足足有1000幾種，而且每日都會實時更新㗎！
EXO伯賢用嘅雨褸filter同Super Junior希澈用嘅動畫片filter都係snow出㗎，亦因為成日喺SNS上面成爲熱門話題，被稱爲「Insider filter」。
對K-POP粉絲嚟講snow都提供好多福利！ snow嘅sticker仲有BTS、BLACKPINK、TWICE等多個K-POP偶像版本嘅貼紙。可以同到自己鐘意嘅藝人影相真係好！
Snow sticker甚至仲有遊戲功能！ 因爲係自拍app入面嘅遊戲，所以主要係利用面部都玩嘅遊戲。
就好似以上呢種形式！
個人覺得喺snow上面最有趣嘅功能就係可以直接設置sticker嘅功能。 上面介紹嘅面部矯正、色感調整，真係超級好用！
爲咗俾大家展示一次，韓國小編都試過一次以接受SHINee嘅Key求婚爲主題嘅filter，大家都盡情去享受吓佢哋咁多款功能！
2. B612
接住落嚟就係要介紹嘅app就係B612！佢同Snow同期上市，係第2受歡迎嘅自拍app，同時仲獲得2015年Red Dot AWARDS 嘅最高獎項！
B612同Snow一樣，都係因爲自然嘅面部修飾同filter而人氣好高，其實之前兩個app係好唔同，Snow係可以通過影相同拍攝短片進行交流嘅app，而B612就係自拍app。
不過，隨住韓國Naver公司將Snow同B612合併，兩個app就變得越嚟越似，可以話連功能同形狀都好相似！
左邊嘅screenshot係Snow，面右邊嘅screenshot 就係B612，係唔係一模一樣呢？ 除咗filter設置唔同之外，其他都係一樣，所以小編就介紹吓喺上面冇介紹過嘅短片編輯功能啦！
第一，可以編輯現有嘅短片，除咗基本嘅短片長度剪輯，播放速度、bgm、過濾器、效果filter，甚至可以用面部矯正功能㗎！
下面就舉例用一個首爾熱門場所之一嘅西村復古「玉仁遊戲廳」入面影嘅短片。就好似上面睇到嘅一樣，調整短片嘅速度，揀合適嘅音樂之後，再揀符合氣氛嘅filter，就可以製作好靚嘅短片㗎喇！
如果大家覺得編輯起上嚟係有啲難，又麻煩嘅話，可以用佢哋嘅短片模板！正如上面睇到咁，有各種唔同風格嘅模板。
嚟睇下冇幾耐之前劇終嘅《女神降臨》電視劇模板，揀完模板將自己嘅影像或者相放入去上面的話，真係容易好多㗎！
呢個係上年喺韓國好嘅流行嘅歌。
根據「I could be red, or I could be yellow. I could be blue, or I could be purple~」嘅可愛歌曲歌詞製作形形色色嘅MV係當時好流行嘅事。K-POP粉絲加自己鐘意嘅藝人落去都獲得好高嘅人氣。
小編都有用過，大家又有冇試過呢？大家都利用SNOW同B612製作多樣嘅短片啦！
3. SODA
同SNOW同B612相比，Soda係最近比較紅嘅app，由標誌上面就可以感覺到好簡潔嘅感覺，呢款係一款淨係具備自拍功能嘅APP！
簡單嘅面部修飾同化妝等基本嘅功能就一定有，仲有好多好靚filter同sticker，好多藝人或者SNS名人都開始使用「Soda」！
소다 공식 인스타그램
如果大家鐘意比較自然啲嘅修容的話，小編真係強烈推薦呢個app！
Soda嘅優點之一就係畫質超好！
想要呈現好似用DSLR拍攝一樣效果的話，使用"人物模式"就可以！左邊係BEFORE右邊係AFTER ，右邊係唔係更加有視線集中喺人物嘅感覺呢？
4. U like
下面就嚟介紹一下好好用嘅APP Ulike啦！之前講過韓國年輕一代成日用soda，Ulike用戶都唔少！
U like都好似其他app一樣有好多唔同嘅filter 、sticker同妝容！不過佢就可以比其他app更加精巧咁去調整！
因爲可以好細緻咁去調節，所以可以設置成啱自己面型嘅樣。
인스티즈
如果大家都想要微小嘅修容同靚靚嘅filter的話，就直接用Ulike！
Ulike仲有一個好特別嘅功能，就係會教大家擺姿勢，如果自拍唔知點影，可以參考吓！
自拍又得、幫朋友影相又得，或者影情侶相嘅時候都可以用，係一個好有用嘅功能！
唔知大家有冇試過呢幾個app？未試過的話就一定要download試吓喇！
如果有更多想知嘅內容，都可以隨時留言或者dm話俾我哋知：）
Instagram：creatrip.hk