Hello，大家好，我哋係由韓國人每日提供最新韓國旅行資訊嘅Creatrip。
每年一到1月1號，韓國人氣偶像同演員嘅粉絲都會好驚咁一直留意住韓國新聞。 大家可能會覺得新年應該要開開心心，點解要咁驚呢？ 因爲每年1月1號D社都會報道明星嘅戀愛新聞！
디스패치
D社係主要報道演藝界嘅在線媒體，當中佢報道過好多明星嘅戀愛傳聞，對於藝人嚟講可能係一件好事，但係站喺粉絲嘅立場上嘅話，有可能係開心大過傷心。
而家等我哋一齊了解下，韓國kpop粉絲嘅敵人——D社到而家為止報道過邊啲戀愛傳聞啦！
被D社爆出歷代元旦情侶
就同先前講嘅一樣，D社喺每年1月1號都會公開戀愛說，雖然冇正式特別嘅理由，被公開嘅情侶仲會被稱為元旦情侶。D社由2013年到而家，除咗2017年同2020年之外，每年都會有爆料， 大家又記唔記得當中有邊幾對呢？
2013年1月1號：Rain & 金泰熙
디스패치
歌手Rain同演員金泰希嘅戀愛報道就係1月1號開始，佢哋兩個唔單止喺韓國活動咗好長時間，而且都係喺各自嘅位置上面都係天皇天后級嘅藝人，所以當時成爲咗好大話題。
兩人拍拖4年之後就喺2017年1月結婚，而家同兩個女過住幸福嘅婚姻生活。
2014年1月1號：李勝基 & 允兒
디스패치
2014年1月1號，韓國代表萬能藝人李勝基同韓國傳奇女子組合少女時代嘅center允兒就被報道戀愛中，而報道一出佢哋都好快咁承認咗呢段戀情。
후크엔터테인먼트/SM엔터테인먼트
兩人一宜都認真工作，平時亦都好照顧粉絲，再加上兩位美談都比較多，所以得到好多祝福！不過之後因爲「各自唔同嘅日程安排」，時隔1年7個月就宣佈分手。
2015年1月1號：李政宰 & 林世玲
디스패치
2015年1月1號韓國頂級演員李政宰同企業人林世玲就被報道戀愛中，而林世玲亦都係韓國三星會長李在鎔嘅前妻。兩人喺D社報道之前都有過緋聞，而喺D社正式報道之後就公開承認戀愛，目前仲係一交往中！
2016年1月1號：金俊秀 & Hani
디스패치
元祖韓流偶像JYJ金俊秀同EXID Hani嘅戀愛傳聞喺2016年1月1號被報道，當時成爲咗熱門話題。
MBC
Hani喺出演《廣播明星》嘅時候，表示細個嗰陣巳經係金俊秀嘅粉絲，所以都被稱爲「最成功嘅粉絲」，不過1年之後大家各有各忙就分手收場。
2018年1月1號：GD & 李珠妍
디스패치
2018年1月1號GD同女子組合出身嘅演員李珠妍被爆戀愛中，佢哋喺D社報道之前，粉絲都巳經一直懷疑兩個係唔係拍緊拖，因為佢哋嘅SNS入面都好似係暗示緊。
對於呢篇報道，兩個位所屬公司都冇做出任何回答，到底係唔係真係拍過拖，就只得佢哋兩個先知。
2019年1月1號:：KAI & JENNIE
디스패치
韓國代表偶像EXO KAI同BLACKPINK JENNIE嘅戀愛傳聞就係喺2019年新年公開。D社喺首爾嘅天空公園影到佢哋兩個約會，之後佢哋都回應「係互相有好感嘅關係」承認戀情。
不過因為係頂級偶像，所以公開戀愛係會有好大壓力，結果佢哋喺公開一個月之後就分咗手。
2021年1月1號：玄彬 & 孫藝珍
디스패치
韓國最頂級演員玄彬同孫藝珍嘅戀愛傳聞拉開2021年嘅序幕，喺D社報道之前也曾經有過3次戀愛緋聞，不過都全數否認。
tvN
不過因為電影《協商》同電視劇《愛的迫降》嘅連續拍攝，佢哋兩人變得親近咗，亦都開始擦出火花。兩人嘅外貌同感覺都好襯，所以所有網民都一致支持同祝賀佢哋嘅關係。
보그 코리아
就好似《愛的迫降》入面正赫嘅台詞咁，希望「唔係偶然而係命運」，佢哋嘅相遇可以長久咁持續落去。
其他爆料情侶
事實上，D社唔止係喺1月1號公開戀愛傳聞，仲有其他爆料情侶，等我哋嚟睇吓有邊幾對啦！
2014年 泰妍 & 伯賢
디스패치
泰妍同伯賢嘅戀愛傳出嘅時候，係震驚成個韓國，因為當時兩人人氣超高，EXO當時出道只有3年，所以粉絲嘅反應係好熱烈。
因爲成爲熱門話題，兩位藝人同粉絲好大壓力，結果1年之後就出現咗兩人分手嘅消息，但係爲咗藝人嘅私生活，所以就冇公開具體嘅分手時間。
2015年 李敏鎬 & 秀智
디스패치
2015年D社捕捉到李敏鎬同秀智喺倫敦約會，公開咗兩人嘅戀情，之後秀智喺公開場合表示對李敏鎬嘅關懷同溫暖產生好感，所以就拍拖。
聽講佢哋喺2週年嘅時候仲同朋友一齊舉辦咗紀念party，不過可惜過咗冇幾耐，2017年11月就傳出佢哋分手嘅消息。
2015年 金宇彬 & 申敏兒
디스패치
2015年夏天，演員金宇彬同申敏兒就被爆戀愛中，兩人係喺拍攝時尚品牌嘅海報嘅時候產生好感。
지오다노
雖然交往咗2個月就公開戀愛，不過佢哋直到而家都仲係穩定交往當中，申敏兒喺金宇彬患癌症期間都一直陪伴喺佢身邊。
而且聽講上年2月爲咗防止新冠肺炎疫情擴散，仲一齊各捐贈咗1億韓幣，真係非常值得期待佢哋結婚嘅情侶。
2015年 IU & 張基河
디스패치
IU喺第四張迷你專輯《CHAT-SHIRE》公開前幾個星期，被爆出IU同張基河嘅戀愛報道，張基河係韓國獨立樂隊「張基河與臉孔們」嘅主唱，同IU相差11歲，所以成爲話題。
IU喺報道之後，公開交往咗2年嘅事實，互相產生咗好好嘅影響，得到好多支持，不過佢哋喺2017年傳出分手嘅事實，結束大概4年嘅戀情。
2016年 KAI & Krystal
디스패치
2016年4月1號就傳出KAI同Krystal戀愛，唔知係唔係因爲「4月1號」呢個日子，所以有好多人都以爲係愚人節講笑。
더블유
喺兩人公開戀情之前，巳經好多粉絲就覺得KAI同Krystal好襯，佢哋都擁有性感形象，顏值亦都超高！聽講佢哋公開戀愛1年零2個月之後，喺2017年分手。
2017年 南柱赫 & 李聖經
디스패치
南柱赫同李聖經因為拍電視劇《舉重精靈金福珠》而對對方產生好感。
MBC
亦都因爲兩人都係模特兒出身嘅演員，所以外貌同感覺都好夾，雖然有好多粉絲都好鐘意佢哋，但好遺憾嘅係公開拍拖4個月之後就傳出分手消息。
2017年 宋慧喬 & 宋仲基
디스패치
宋慧喬同宋仲基情侶嘅故事應該好多人都知，大韓民國兩位頂級演員宋仲基同宋慧喬喺2016年《太陽的後裔》產生愛火。
而佢哋透過D社公開戀愛事實冇幾耐，就傳出結婚，佢哋被稱爲宋宋情侶，得到好多支持，不過遺憾嘅係2019年就離婚收場。
2019年 志效 & 姜丹尼爾
디스패치
TWICE主唱志效同Wanna One出身嘅姜丹尼爾係偶像界同齡情侶，D社話兩人係喺2018年通過歌謠界前輩介紹認識。
亦都可能因爲姜丹尼爾喺Wanna One解散之後，作爲solo歌手出道冇幾耐嘅時期，引起更加大嘅爭議。不過兩人都繼續安靜咁交往，但係因爲爲咗集中精力工作，1年3個月之後就傳出分手嘅消息。
2021年 GD & JENNIE
디스패치
呢個係最近報道嘅戀愛說，佢哋兩人由前後輩關係發展成爲戀人。
YG娛樂以保護所屬藝人嘅私生活爲由，冇回答相關報道。不過眼利嘅網民已經搵到好多證據去證明係交往中。
事實上，喺韓國D社受到好大批判。由上面啲相可以睇到，藝人嘅私生活好似被跟蹤狂一樣咁追住影相，嚴重侵害私生活。
作爲一個普通人拍拖係一件好正常嘅事，不過藝人由於職業特性上唔想因爲「形象消費」或者「私生活」問題而公開戀愛事實。
直到幾年前，好多粉絲仲只係對自己鐘意嘅藝人被爆戀愛而感到憤怒，不過到咗而家，粉絲認爲呢個唔係藝人嘅錯，而係D社隨意拍攝同報道藝人私生活嘅錯。
因為咁而受到壓力同精神痛苦嘅藝人都有好多。即使係咁D社都仲係會繼續採訪同報道藝人嘅私生活。
今日同小編一齊了解完D社直至而家爲止報道過關於公開藝人嘅戀愛集合，希望大家以後都繼支持同祝福佢哋！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
