Hello，大家好，我哋係由韓國人每日提供最新韓國旅行資訊嘅Creatrip。

想出國讀書之前真係要準備唔少功夫，除咗錢係最大問題之外，要交咩資料其實都幾複雜。如果大家都有諗過想去韓國讀語學堂嘅話，不妨參考小編幫大家整理好嘅所需資料清單，咁就可以輕鬆迅速報到名啦！

韓國語學堂報名資料

提提大家：

• 本頁面所提及嘅係透過Creatrip報名時需繳交嘅資料/文件。
• 本頁面介紹嘅內容只適合香港人。
• 以下介紹只係基本內容，唔同學校可能會有唔同要求，詳情請參考各學校官網。
• 請確保你提交嘅所有資料/文件都夠清晰，像素太低/太模糊可能會不被受理。
• 每個學校需要提供嘅資料都唔同，有啲學校可能會要求網上交，或要寄到學校。如果需要交去學校，我哋會另外通知你，請喺最終錄取前妥善保管所有文件。
• 建議喺報名截止一星期前報名，特別係想報讀2個學期以上時，學校通常會要求提供文件正本，而且需喺截止日期前到寄到學校先算成功報名。
• 所有文件都需要同護照上寫嘅名一樣，只要錯一個字都有機會被視為唔合資格。

1. 證件相

• 證件相Size需為3~3.5cm X 4~4.5cm。
• 提交嘅相可能會用做學生證嘅相，所以唔好提交表情/pose奇怪，或者用手機自拍嘅相。

2. 護照副本

• 需要用彩色影印護照有個人資料嗰頁。
• 護照有效期(date of expiry)必須長過“語學堂授課期間＋15日”，如果唔符合以上要求，建議先更換護照再重新報名。

3. 最終學歷畢業證書

• 最終學歷證明顧名思義即係最後一間就讀學校嘅「畢業證書」，畢業證書上需明確標示本人姓名（同護照一樣）、畢業年份、校方印鑑等。預計畢業證明、成績表證明、就讀證明等通常都唔會被認可。
• 需要係已經畢業及獲取嘅學歷，如果仍然就讀緊嘅話將不被認可。（例如讀緊大學，最終學歷證明就會係中學畢業證書，但保險起見，可以交埋大學在學證明。）
• 大多數學校都會要求報名人士攞最終學歷證明去做海牙認證。 但如果只係申請一學期，或者已經有D4簽證就唔需要，詳請建議參考學校官網，或send email去help@creatrip.com向我哋查詢。
• 如果你係喺出身地以外國家/地區畢業，你需要喺畢業學校所在地進行海牙認證（Apostille），或獲得當地在外韓國領事認證。
• 海牙認證嘅文件都唔可以有任何損壞，即使係釘書機嘅釘痕可能都會被視為損毀，報名資格有機會被取消，所以大家影印時要小心。
• 收到海牙認證時會有一頁Declaration紙，需要一齊繳交。
• 大多數學校都會要求提交英文、中文或日文嘅最終學歷證明，保險起見建議用英文為主，如果係其他語言，學校可能會要求翻譯成英文再進行公證。
• 通常繳交嘅文件都唔會還，相關文件需自行事前影印做備份。
• 透過我哋報名語學堂時，請將所有文件公證後，Scan多份副本再寄出。

4. 銀行餘額證明

• 銀行交易紀錄唔可以當做餘額證明，請提交餘額證明文件。
• 餘額證明建議用USD為單位，亦需要顯示準確數字。
• 建議提交英文版。
• 建議比學校規定餘額限制再放多少少錢（例如學校規定最少要USD 10,000，建議放USD 11,000會比較保險）。
• 大多數學校都可以用申請人父母名義嘅銀行餘額證明，但需另外提交家庭關係證書。
• 部分學校會只會接受指定期限內嘅餘額證明書，建議報名前check清楚，提前準備。
• 網上打印嘅銀行證明無效，餘額證明上亦需要有銀行正式簽字蓋章。

5. 家庭關係證明書

• 提交父母名義嘅銀行餘額證明時需要同時提交。
• 需由政府證明，建議提交3個月內申請文件。

6. 空白證明書

• 空白證明通常係畢業後1年後要交，詳情請參考各學校官網。
• 每間學校標準唔同，建議將就業證明和同空白期間所做嘅事整理好一個檔案再提交。
• 空白期間做過嘅一切建議詳細寫 ( 例如：2023.01.06 ~ 2023.03.06 期間為咗考Topik，而且拎到Topik4級；亦建議連埋成續表一齊交）。

以上就係嚟韓國讀語學堂需要交嘅資料，希望可以幫到大家啦：）

Creatrip代辦語學堂服務介紹

以上係「韓國語學堂報名資料」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com