Hello，大家好，我哋係由韓國人每日提供最新韓國旅行資訊嘅Creatrip。
如果係鍾意食麵包嘅你，今日小編要介紹嘅呢一間近代胡同紅豆麵包，大家絕對唔可以錯過！因為作嘅紅豆包真係令人一試難忘，睇到最後仲可以享有Creatrip會員獨家優惠，有興趣嘅朋友就要繼續睇落去啦！
因為韓國疫情擴散，入場人數及營業時間可能會受到限制，可能需要提供疫苗護照。
有關韓國防疫政策文章, 可以查看韓國最新防疫守則。
大邱麵包店：近代胡同紅豆麵包資訊
- 地址：대구 중구 남성로 60 (동성로3가 53-4)
- 時間：每日09:00至20:00（新年當日休息）
- 電話：02-776-3267
大邱麵包店：近代胡同紅豆麵包優惠
- Creatrip會員下載優惠券，買一杯美式咖啡，即送一個紅豆包（只限大邱本店）。
大邱麵包店：近代胡同紅豆麵包推薦理由
- 唔單止韓國人鍾意買嚟食，就連遊客去度都會忍唔住買一打，無論自用定送禮都好大方得體。
- 好多人都覺得忌廉紅豆包一定會好膩，不過呢度完全唔會，仲有一種中毒性令人食上癮。
大邱麵包店：近代胡同紅豆麵包位置
- 地址：大邱中區南城路60 (東城路三街 53-4)
- 營業時間：每日09:00 - 20:00 / 公休日 09:00 - 20:00 (節日當天休息)
- 半月堂站2號線14號出口出嚟之後直行150米，見到7-11轉左，行前少少就會見到近代胡同紅豆麵包店。
大邱麵包店：近代胡同紅豆麵包探訪
近代胡同呢度好好咁保存咗舊大邱嘅面貌，被選爲韓國旅遊100強，作爲旅遊路線相當出名！
近代胡同紅豆麵包係韓國人認可嘅「三大麵包店」之一，唔單止係韓國人，就連遊客嚟度都會大手入貨當手信送畀朋友。
入到鋪頭已經可以聞到好香嘅紅豆麵包味，每一款麵包都擺得好整齊，大家可能都會睇到花多眼亂。
聽講呢度嘅紅豆包係經過韓國糕點嘅研究，重現傳統紅豆包嘅味道，所以更加令人期待。
呢度嘅裝修亦都好特別，蔓花紋嘅綠色牆紙同吊燈好夾，令人好似坐咗時光機返留去1920~30年代嘅韓國。
同時店入面仲有準備幾張枱俾客人堂食，大家可以喺度食早餐，又或者行到攰入嚟食個包飲杯咖啡。
「牡丹紅豆麵包」同「忌廉紅豆麵包」係呢度嘅招牌，小編本身都鐘意食紅豆麵包，真心覺得呢度嘅紅豆包好好食，可以感受到紅豆本身嘅香甜味道。
忌廉紅豆包係為咗年輕人而整嘅，雖然忌廉麵包喺韓國好常見，不過好似呢度咁滿嘅，其他地方真係好少見。
可能大家會覺得咁多忌廉一定人好膩？咁諗大家就錯啦！唔單止唔膩，仲會令人忍唔住食完一啖又一啖！同時紅豆係用賣場嘅鐵鍋親自煮熟，所以新鮮度同味道都可以放心食用。
無論係韓國人定係外國人嚟大邱嘅話，都一定嚟呢度買紅豆包，如果大家想送禮亦都可以買呢種禮品套裝，6個紅豆包以12,000韓幣出售，平均一個先2000韓幣！
除咗單一口味之外，大家亦都可以買唔同口味用盒包裝，無論係自用定送禮都好大方得體。
大邱麵包店：近代胡同紅豆麵包菜單
| 普通紅豆包 | 2,000 |
| 鮮忌廉紅豆包 | 3,000 |
| 紅豆沙餡包 | 2,500 |
| 忌廉芝士包 | 3,000 |
| 綠茶忌廉紅豆包 | 3,000 |
| 可愛麵包客人（士多啤梨忌廉）紅豆包 | 3,000 |
| 花生年糕包 | 2,500 |
點先可以享有近代胡同紅豆麵包送禮優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係代胡同紅豆麵包嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
