Hello，大家好，我哋係由韓國人每日提供最新韓國旅行資訊嘅Creatrip。
唔知大家會唔會好奇究竟現實中韓國社會係咪真係有呢種黑社會？今日就等小編同大家講解一吓關於韓國黑社會嘅黑暗面啦！
韓國黑社會嘅發展歷史 (깡패 Kkang Pae)
而家嘅韓國社會，出名嘅幫派有西方派（서방파），楊恩邑派（양은이파）同OB派（OB파），佢哋仍然喺商界擁有好強大嘅勢力，喺背後掌管住好多韓國大企業。（就好似驅魔麵館提到咁）
朝鮮王朝
Newsis
呢啲幫派其實早喺朝鮮王朝末期已經出現，嗰時佢哋稱為劍契（검계）同Waljja（왈짜）。當時加入呢啲幫派嘅條件係一定要係劍客，而且身上有劍痕。如果想加入嘅人唔係警察，或者背後冇一個警察組織嘅話，都唔可以加入。呢啲幫派主要做嘅係監督賭場同妓院嘅生意事務，仲要同啲特登去搗亂做生意嘅人打交。
根據記錄顯示，聽聞朝鮮時代，曾經有一代君王下令要控制呢啲擁有龐大勢力嘅幫派，不過嗰時啲警察同黑社會都用同一把劍，所以為咗分辨屬於自己幫派嘅人，黑社會會以身上嘅劍痕嚟做辨認。
日殖時期
장군의 아들 (The General's Son,1990) instiz
因為朝鮮時期劍契等嘅問題，黑社會喺韓國嘅形象一直都好差，去到日殖時期，佢哋嘅角色先有所轉變。當年主要嘅黑社會頭目有金斗漢（김두한）、李聖淳（시라소니/이성순）、 高熙慶（고희경）同嚴東旭（엄동욱）等人，人稱當年嘅佢哋係<浪漫拳頭/浪漫戰士（낭만 주먹）>。
至於金斗漢，聽聞佢同其他黑社會唔同，話佢成為黑社會嘅原因係因為對失去大韓民國，令自己國家落入其他人手中而感到後悔，佢將自己設定咗為一個會保護韓國商人嘅黑社會頭目。
強大嘅黑社會走向政治化
1987: When the Day Comes CJ Entertainment
自從韓國喺1945年正式獨立，黑社會開始出嚟掌握勢力，而喺韓國第一個政府成立之後，佢哋為咗生存亦都開始伸隻手去政界。（完全係驅魔麵館）後來，頭先提到嘅金斗漢同李聖淳開始踩入政界，組織咗「東大門幫派」，佢哋嘅人仲會混入唔同組織去控制其他組織嘅文件同資料。之但係去到1957年，韓國開始設立其他唔同政黨，而令到大眾市民對呢啲黑社會嘅存在逐漸淡忘，之後更因為公眾安全嘅考慮，甚至有唔少幫派俾人拉咗添。
韓國黑社會嘅現況
喺1990年代初期，對黑社會嘅打壓就更強硬。當時立咗法第114節明文規定，黑社會係非法，而且只係加入都可能會受到刑罰。因為咁令到好多幫派冇辦法一定要匿埋，以免被捉到。不過其實好多被拘捕嘅幫派成員後尾都會無罪釋放，佢哋之後多數都一樣會做番位於黑暗地帶，非法嗰行，最終黑社會問題到而家都未能解決。
事至今日，有時會喺啲灰色地帶產業，例如夜店、 酒吧、 甚至係遊戲鋪可以見到黑社會嘅身影。而過去幾十年入面，進行咗多次突擊拘捕，總共拉咗621位黑社會成員。
大多數韓國嘅黑社會成員都會將自己嗰派嘅標誌紋上身，作為分別同一幫派嘅標記，所以咁都間接令紋身喺韓國大眾嘅印象仲會有啲負面。除咗紋身，服裝同髮型都係分辨一個人係咪黑社會嘅指標之一。例如全身著黑衫，同留一個kkakdugi(깍두기)頭，姐係剃到兩邊頭髮好短，只係留上面長嘅髮型，仲有口音同方言（saturi 사투리）亦可以係指標之一，而通常一個幫派嘅頭目有時會為被稱「大哥」（hyung nim형님）。而家黑社會已經分散咗喺韓國唔同地區，當中最出名嘅係全羅地區（光州，木浦），釜山同仁川。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
