趙炳圭《驅魔麵館》劇照
Hello，大家好，我哋係由韓國人話你知每日最新資訊嘅Creatrip。
＃趙炳圭＃霸凌？
＃所屬社聲明＃控告
琴日（16號），韓國網路論壇出現咗一篇名為「趙炳圭學校暴力受害者」嘅文章，主張自己喺紐西蘭返學嘅時候，受到趙炳圭嘅霸凌。而貼文者亦都提到，唔知道自己作呢啲咁嘅大話有啲咩好處（指自己係講緊真話），呼籲施暴行為需要受到制裁。
✨馬上Follow我哋IG
instagram.com/creatrip.hk
趙炳圭被爆料霸凌
趙炳圭《驅魔麵館》劇照
嗰篇文章嘅作者表示，為咗學英文，16歲嗰時自己去紐西蘭，喺上咗一個星期嘅堂之後，出現咗一位新面孔，嗰個人就係趙炳圭。同時，佢都聲稱自己同趙炳圭第一次見面嗰時，就受到對方辱罵，亦都立刻同韓國留學生管理處反映，但淨係得到「之後有類似事情的話會以校規處理」。
爆料仲有提到，趙炳圭當時喺課堂上面講自己同其他女性性行為嘅事件，亦都對外籍老師態度傲慢同無禮貌，甚至同朋友討論大麻。但呢一切都喺（趙炳圭）成為藝人之後，由經紀公司擺平。
趙炳圭《驅魔麵館》劇照
爆料者最後都表示「冇身體上嘅暴力，但一直都被語言暴力所折磨」，同時希望趙炳圭真心誠意咁道歉。爆料者表示，同班同學、寄宿家庭、雙方父母都知情，證據（證人）比想像得多，亦都唔擔心對方反告自己。
面對呢個爆料，「趙炳圭、校園暴力」都上咗去韓網熱搜，所屬經紀公司HB娛樂吪今日（17日）發表強硬聲明，嗰啲網路論壇上面，針對趙炳圭嘅惡意文章等等，將追究法律責任，同正式委託警方進行調查。
HB娛樂聲明中提到「今後，我哋將對損害旗下所屬演員名譽嘅非法行為（散步虛假事實、製作惡意文章）採取更加強硬嘅應對措施，盡全力保護所屬演員嘅權益。」。
趙炳圭《天空之城》劇照
趙炳圭《驅魔麵館》劇照
趙炳圭喺2015年出道，由2018年《天空之城》演出雙胞胎細佬一角之後慢慢為人所知，先前喺OCN《驅魔麵館》出演男主角蘇炆一角，創下咗OCN開台以嚟最高收視紀錄，躋身新生代一線演員位置，因為呢件霸凌事件同佢喺《驅魔》飾演驅除惡鬼嘅正義形象唔同，亦都引發咗好多討論。
