2026釜山賞櫻景點推薦

Hello，大家好，我哋係由韓國人每日提供最新韓國旅行資訊嘅Creatrip。

終於嚟到春天，又係睇櫻花嘅時候！相信有唔少朋友都會去首爾賞櫻，不過因為釜山位於韓國南部，所以大家可以搶先睇到最靚櫻花！想知道2026年釜山櫻花幾時開，又應該去釜山邊度睇櫻花好？咁就唔好錯過呢篇blog啦！

首爾又有邊幾個必去賞櫻景點？👇🏻

[블로그] 2025首爾賞櫻懶人包

帶你去韓國賞櫻秘境🌸

韓國櫻花預測

2025釜山櫻花開花時間

釜山土壤相對上比較適合櫻花生長，所以其實連韓國人都覺得釜山櫻花靚過其他地方！

2026年釜山櫻花喺3月25號就會慢慢開花，大約3月底就會去到全盛期，之後就會慢慢凋謝，所以如果打算去釜山賞櫻因此要在釜山賞櫻嘅朋友們記住要好好把握機會啦！

[블로그] 2025韓國預計櫻花開花日期

釜山賞櫻景點推薦

鎮海軍港節_{(진해군항제)}

• 地址：경상남도 창원시 진해구 평안동 10
• 舉辦日期：2026.03.27 - 2026.04.05

講起去釜山賞櫻，一定唔少得去參加昌原「鎮海軍港節」！由慶和站嘅櫻花鐵路，到因為韓劇《羅曼史》而變得勁出名嘅余佐川，四周圍都被櫻花包圍，可以話係釜山最靚嘅賞櫻景點。

呢度日頭同夜晚魅力非常唔同，無論幾時嚟都可以睇到超靚櫻花，非常推薦大家專程嚟一轉！

麥島生態公園_{(맥도생태공원)}

• 地址：부산 강서구 대저2동 1200-32
• 前往方法：釜山金海輕軌線西釜山流通地區站（서부산 유통지구역）

대한민국 구석구석

位於釜山江西區嘅麥島生態公園被譽為釜山最靚賞櫻景點，有一條長達4.6km嘅櫻花路，大家可以沿住櫻花林蔭隧道散步，感受韓國春日氛圍！

달짝지근

沿住呢條櫻花路行大約2個鐘頭左右，就會去到大渚生態公園（대저생태공원），如果大家有時間，不妨同家人、朋友或者另一半一邊散步，一邊享受春日暖陽同欣賞壯觀櫻花。

三樂生態公園_{(삼락생태공원)}

• 地址：부산 사상구 삼락동 29-46
• 前往方法：釜山金海輕軌線掛法Renecite站（괘법 르네시떼역）、2號線德浦站（덕포역）

釜山三樂生態公園係候鳥棲息地，亦都係釜山市民親親大自然嘅地方！每逢春天櫻花盛開，櫻花會多到會遮住曬沿路建築，一抬頭就會睇到超大片櫻花，勁誇張！

櫻花路就好似冇盡頭咁，加上因為唔多遊客，所以感覺非常悠閒~

溫泉川市民公園_{(온천천시민공원)}

• 地址：부산 연제구 온천천남로 39
• 前往方法：釜山地鐵1號線教大站（교대역）、東海線東萊站（동래역）

David Kim

如果話首爾有清溪川，釜山就有溫泉川！而每年春天呢度沿路會開滿櫻花，係釜山人最愛嘅市區賞櫻好去處之一！

연합뉴스 

每逢天氣好嘅日子，都會有唔少人嚟溫泉川散步，開滿櫻花嘅時候更加會吸引更多人嚟影相打卡！

荒嶺山_(황령산)

• 地址：부산 부산진구 전포동 산50-25
• 前往方法：釜山地鐵3號線水滿谷站（물만골역）

SBS

釜山荒嶺山去到春天，就會成為釜山必去賞櫻景點之一，尤其係行去烽火台嘅路上，沿途盛開嘅櫻花就好似炸彈爆開咁一大片盛開，非常震撼！不過如果想嚟呢度賞櫻，大家腳骨力要夠好XD

saik.kr/927

荒嶺山除咗係賞櫻勝地，夜景更加係一流！大家可以眺望到廣安里大橋同山下嘅點點星火，非常浪漫~ 不過夜晚呢度好難截到車，想去嘅話可能就要注意吓啦。

海雲台迎月路_{(해운대 달맞이길)}

• 地址：부산 해운대구 중동 산42-20
• 前往方法：釜山地鐵2號線海雲台站（해운대역）、中洞站（중동역）

연합뉴스 

被譽為釜山八景之一嘅海雲台迎月路係釜山最出名嘅散步路線，交織著藍海、沙灘、松樹林等美景。櫻花盛開嘅時候，最浪漫嘅莫過於和另一半拖住手仔，一齊喺被櫻花包圍嘅迎月路漫步。

해운대구청

大家亦都可以去埋海雲台尾浦站搭海岸觀光列車與膠囊列車，去埋青沙浦玩！

[스팟] [🌸早鳥優惠至28/2] 釜山天空膠囊列車&櫻花隨機賞櫻旅行團（釜山出發）

南川洞三益海灘_{(남천동 삼익비치)}

• 地址：부산 수영구 남천동 광안해변로 100
• 前往方法：釜山地鐵2號線南川站（남천역）

연합뉴스

南川洞三益海灘公寓睇落好似一個平平無奇嘅住宅區，不過呢度後面有一個得當地人才知嘅釜山賞櫻景點！因為呢度鄰近慶星大學，所以會有好多學生嚟呢度賞櫻，暫時應該冇咩遊客知道呢個秘境！

데일리한국

不過如果大家會嚟賞櫻，記住要保持安靜，唔好打擾到呢度嘅住戶啦！

以上就係小編幫大家整理出嘅2026釜山賞櫻景點，如果大家今年春天打算去釜山，不妨將以上景點加入行程！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！