Hello，大家好，我哋係由韓國人每日提供最新韓國旅行資訊嘅Creatrip。
只要係歌手，個個都會想喺音樂節目入面攞到第一！爲咗特別記住攞第一位嘅瞬間，KBS《音樂銀行》就有進行歌手第一位公約嘅項目。今日小編就想同大家介紹佢哋到底實踐咗啲咩特別嘅一位公約！一齊睇落去啦！
KPOP特別嘅1位公約
1. MAMAMOO - 食拉麵
得獎歌曲： 《Yes I am》
喺《나로말할같으면같으면（Yes, I am）》活動期間，MAMAMOO就特別諗咗1位公約，用歌名最後一個字「면」同麵「면」玩食字，承諾攞到1位嘅話會喺台上食拉麵。
以「食貨女神」出名嘅成員華莎，仲被導播大特寫，捕捉到因為太熱所以一秒吐返落個碗嘅搞笑畫面。
뮤직뱅크
2. GFRIEND - 食刺身
得獎歌曲：《Sunrise》
以《해야 Sunrise》回歸嘅Gfriend，佢哋嘅1位公約就喺舞台上食刺身。因為有句歌詞係「저기 해야 해야 너를 봐야（那裡 是日光 日光 我就想 見你 見你）」同「회야 회야 너를 먹어봐야 魚生呀 魚生呀 我要食咗你」發音相似，所以佢哋一邊唱，一邊食刺身慶祝佢哋嘅1位公約。
뮤직뱅크
平時就鐘意食嘢嘅GFRIEND，好幸福咁邊食同邊唱完成首歌。
3. 請夏 - 同經理人一齊跳舞
得獎歌曲：《Gotta Go》
平時就同工作人員關係好而出名嘅請夏，同經理人一齊實行嘅一位公約，都成爲咗話題。經理人睇落好怕醜，但係佢都有同請夏一齊完美咁完成咗成隻舞，唔單止吸引咗觀衆，仲吸引咗參加音樂銀行演出嘅歌手。
뮤직뱅크
4. 黃致列 - 倒立唱歌
得獎歌曲：《The Only Star》
黃致列因爲平時努力運動而出名！正因爲咁佢之前實踐過嘅1位公約「一邊倒立一邊唱歌」成爲咗話題。單係倒立就巳經好辛苦，歌聲仲要好穩定，令觀衆都嚇親。
뮤직뱅크
節目播出之後，倒立就成爲咗傳奇嘅1位公約之一。
5. BTS - 演奏韓國傳統樂器
得獎歌曲：《IDOL》
全世界廣受歡迎嘅防彈少年團，喺歌曲《IDOL》活動當時，1位公約就係同時進行四物打擊！由鼓、長鼓、大鑼同小鑼四種打擊樂器組成，所以成爲咗話題。
뮤직뱅크
佢哋進行嘅四物打擊，可以話係向全世界公開韓國傳統文化。
뮤직뱅크
防彈少年團仲試過「喺獎盃入面倒水飲」、「好似朗讀咁唱歌」等經常實行啲特別嘅1位公約而出名。
6. Red Velvet - 一邊唱歌一邊食雪糕
得獎歌曲：《Power Up》
以《Power Up》獲得第一名嘅Red Velvet，佢哋一位公約成爲話題！喺舞台上食雪糕令觀衆都覺得涼爽，產生咗「果然夏天就係Red Velvet」嘅反應。
뮤직뱅크
7. GOT7 - 梳蘋果頭搽胭脂
得獎歌曲：《Look》
GOT7嘅1位公約係將頭髮紮成蘋果頭，搽紅色胭脂。
간반위의 하이에나
뮤직뱅크
大家塊臉紅卜卜真係好得意。
8. NU'EST - 搭人體橋樑
得獎歌曲：《BET BET》
2019年時隔3年以《BET BET》完整體回歸，出道8年後首次獲得第一嘅NU'EST，嘅一位公約都吸引咗好多嘅視線。
뮤직뱅크
成員都全部都俯臥撐住，互相依靠住做「搭人體橋樑」令觀衆都大吃一驚！
9. BTOB - 打關斗
BTOB以鐘意惡作劇嘅偶像出名，連1位公約都用有趣嘅構思引嚟好多觀衆嘅笑聲。佢哋喺舞台上面一邊打關斗一邊展現穩定嘅演唱實力，證明咗「BTOB果然係值得信賴嘅演唱偶像」。
뮤직뱅크
出現咗好多有趣嘅1位公約，大家鐘意嘅組合又係用啲咩公約呢？歡迎大家可以留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
