Hello，大家好 ，我哋係由韓國人每日提供最新韓國旅行資訊嘅Creatrip。
香港有句說話叫做「唔怕生壞命，至怕改錯名。」大家都知Kpop組合名係會一直跟隨住偶像成個職業生涯，為咗可以令人有印象深刻，所以一定要改一個突出嘅名。不過要改一個好名都唔係咁簡單，因為當中都有會好多候選名單俾大家揀入面誕生。聽講有啲候補名單入面有好多都係「如果用呢呢個名出道嘅話……就會令人笑到停唔到。」
以今日小編就整理咗啲候補名單俾大家睇，唔知大家又覺得有冇趣呢？
韓國候選團體名
出道名：BLACKPINK (블랙핑크)
候補名： Magnum (매그넘)
BLACKPINK簡單啲嚟睇，其實即係兩隻顏色結合埋一齊，不過最想帶出嚟嘅意思係粉紅色唔一定係靚，當中大家見到嘅未必係全部。短短出道5年，佢哋已經係全球享有盛譽嘅女子組合，每發行一首新歌，就會掃清音源榜！
不過聽講BLACKPINK出道之前就有一個候補名叫做「Magnum」。 喺韓國啲人一聽到呢個名淨會諗到Magnum雪糕，成員Jisoo一聽到呢個名都話：「呢個名一定要改！」除咗Magnum之外，PinkPunk(펑크펑크)、Baby Monster(베이비몬스터)等都係候補名。
出道名：Monster X(몬스타엑스)
候補名 ：High Top (하이탑)
組合名充滿男性美嘅MONSTA X差啲就要以「High Top」出道。MONSTA X所屬公司嘅前輩歌手K.Will特別強烈推薦呢個組合名，喺佢嘅廣播節目入面仲話：「其實好遺憾佢哋冇用High Top呢個名出道。」唔少人聽完都覺得好好笑，當中仲有一個觀眾話：「真係好老土，勁似一啲補習社嘅名。」，唔知大家又覺得MONSTA X應該用咩名出道係最好呢？
出道名：GFRIEND (여자친구)
候補名： 世界和平 (세계평화)
GFRIEND由出道初期就以刀群舞而備受關注，佢哋曾經出演KBS綜藝節目《Happy Together3》嘅時候，透露過佢哋組合名嘅祕密。
해피투게더3
成員銀河爆料話：「出道之前有好多個候補團名，例如Hug Hug（허그허그)，守護天使(가디언엔젤)等」，之後仲話：「其中最令人震驚嘅係叫世界和平。」小編聽完都覺得好好笑
해피투게더3
出道名：INFINITE (인피니트)
候補名： 北斗七星 (북두칠성)、Black Berry(블랙베리)
INFINITE嘅意思係「無限嘅可能性」咁解，同時利用數學符號「∞(無限大)」嘅標誌，唔少人都覺得好有意思而大受歡迎。不過佢哋都經過好多候選名先可以擁有INFINITE呢個咁有意思嘅團名。
포토피플2
其中候選名單入面竟然有北斗七星同Black Berry呢兩個名呢。
포토피플2
唔少Fans聽完嘅反應都係話「好似好傳統」、「好似手機名咁」、「好彩最後佢哋以都INFINITE呢個名出道」等留言。
出道名：BTOB (비투비)
候補名： 阿里郎 (아리랑)
BTOB嘅意思係Born to Beat咁解，不過聽講出道之前差啲變咗做《阿里郎》。
집사부일체
相信好多人都知阿里郎係韓國嘅代表性民謠，成員星材喺SBS綜藝節目入面話BTOB其實差啲變成叫阿里郎，李勝基聽完都覺得好驚訝。雖然呢個名好代表韓國...但係用喺Kpop組合到...成件事好似變得......
집사부일체
出道名：마마무(MAMAMOO)
候補名： 肚臍 (배꼽)、 160
MAMAMOO呢個名其實好有意思，因為MAMA好多時係全世界所有初生嬰兒第一個會識字。而MOO亦都係初生嬰兒學講嘢時嘅擬聲詞，意思係期望為大眾帶嚟原始同本能性嘅音樂。不過唔講唔知，改MAMAMOO呢個名之前，有啲聽落超驚人嘅候補名。
연예가중계
MAMMOO曾經出演KBS《演藝街轉播》嘅時候講過：「因為成員平均身高係160所以想改做“160”」另外因為人嘅身體咁啱肚臍係喺中間，所以有諗過叫做肚臍。
연예가중계
出道名：東方神起 (동방신기)
候補名： 1. 東方不敗 (동방불패)、 五臓六腑 (오장육부)、食傳鯨（吃了傳說的鯨魚） (전먹고)
東方神起呢個名係因為SM代表李秀滿睇完電影《東方不敗》而得到靈感。出道當時，有傳聞話有成員覺得呢個名好怪而差啲喊。
不過比其他候選團名，東方神起其實巳經係相對比較好，同埋而家東方神起呢個名揚威海外，其實都幾唔錯。
唔知大家聽完覺得邊一個名先係最襯佢哋呢？如果大家仲知道有啲咩奇怪嘅候補名，不妨可以留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
