韓國人口數第一次出現負增長-韓國（Creatrip）

Hello，大家好，我哋係由韓國人話你知每日最新資訊嘅Creatrip。

#韓國人口 #出生率
#韓國人口減少
#高齡化社會

韓國嘅出生率一年低過一年，根據舊年（2020年）最新統計顯示，韓國嘅新生嬰兒嘅數量只得27萬5815人，呢個數字仲低過同年嘅死亡人數（30萬7764人），正式宣告韓國除咗面臨高齡化社會之外，出生率同死亡率嘅「人口死亡交叉」時代亦都同時嚟臨。

2019年12月31號，韓國人口係5,184萬9,861人，而2020年12月31號，韓國人口數係5,182萬9,023人，相比之下少咗2萬838人，亦都係韓國首次人口出現負增長。

韓國人口數第一次出現負增長

低出生率下，韓國的孕婦羣體展示着未來面臨的生育挑戰。

由2015年開始，韓國出生人口一直下降，2017年更加減少到40萬人以下。

2020年嘅出生人口數亦都係呢幾年嚟第一次跌破30萬嘅人口大關。

韓國高齡化社會中，老年人一起散步，表明人口結構的變化。

不過，韓國人口減少除咗係因為出生率低之外，一人家庭嘅增加、新登記人口減少同埋60歲以上嘅高齡人口比例增加都係有所影響。

除咗京畿道、世宗特別市、濟州道、江原道、忠清北道之外，其他韓國自治區域嘅登記人口數都有減少嘅趨勢。

就好似首爾、釜山、大邱、光州、大田、全羅北道、全羅南道、慶尚北道等嘅人口雖然係減少，但係以分析嚟講，主要係因為社會嘅增減（戶籍遷入、遷出）居多，同自然增減（死亡、出生）無關。

另外，韓國喺2020年嘅登記戶數亦都比前年增加咗61萬1,624戶，達到2,309萬3,108戶，平均一戶嘅人數係去到歷史最低值淨係得2.24人。

韓國學校學生合影，象徵着未來新生代的減少及人口變化趨勢。

其中，一人家庭亦都第首次突破咗900萬，達到906萬3,362戶；根據計算，1人、2人家庭佔咗韓國總戶口數量嘅62.6%，而四人（以上）家庭數量就不斷減少。

行政安全部嘅地方行政政策官就話：「由於2020年人口統計減少、1人同2人家庭嘅爆發性增加、歷史最低人口嘅出生率等影響，社會、經濟全盤都需要進行制度變化。」

同時佢都呼籲中央政府有必要以2020年為起點，重新設定唔同領域嘅政策方向。

以下係韓國人口年齡層嘅分布表格：

✨馬上Follow我哋IG
instagram.com/creatrip.hk

其他延伸閱讀
大韓收購韓亞	韓國變異病毒感染