Hello，大家好，我哋係由韓國人話你知每日最新韓國資訊嘅Creatrip。
＃韓國＃虐兒案
＃鄭仁＃정인＃熱議
SBS節目《想知道真相（그것이 알고 싶다）》揭發咗一單16個月大嘅女童，疑似遭領養後被虐待身亡嘅消息，引發全韓國關注。
除咗政治人物為依件事發表立場，多名韓星更加喺SNS公開發文，向因為保護唔到佢成長嘅鄭仁（정인 音譯）道歉，社會輿論亦都開始質疑社福機構，喺面對疑似兒童虐待案件入面做事不力嘅成分。
✨馬上Follow我哋IG
instagram.com/creatrip.hk
SBS《想知道真相》
SBS《想知道真相》日前播出咗一名女童疑似遭虐待而死嘅案件，引發社會關注。
2020年10月，因「外力損傷」而死亡嘅鄭仁（정인 音譯）當時只有1歲幾（16個月大）。
搶救嗰時，醫生發現鄭仁嘅鎖骨、肋骨、雙手、腿部都有骨折，但最終造成鄭仁嘅死因，喺多處臟器破裂、損傷，腹腔內部亦都有嚴重出血。
驗屍報告更加指出，鄭仁嘅胰臟已經完全斷裂。
鄭仁
當時負責救治鄭仁嘅急診醫生亦都解釋，呢種程度嘅相（指鄭仁留低嘅受創記錄嚴重程度）會被記錄入去教科書入面，確實係虐待兒童嘅行為。
根據節目所講，鄭仁雖然一歲幾，但明顯比同齡嘅嬰兒仲要矮小，成身都係瘀傷，亦由於臟器撕裂，成個腹腔都係積血。
出世七個月嘅時候被人領養嘅鄭仁，喺領養之後第271日，即係2020年10月13號，不幸離開咗人世。
12月中移送檢調嘅張姓養母
喺鄭仁死亡之前，幼稚園老師同先前就診嘅醫生曾經提出過總共三次嘅虐待舉報，但係警方都對呢三次檢舉都係以「無嫌疑」而告終。
喺最後一次，鄭仁命懸一線咁送去醫院嘅時候，醫生認為呢啲損傷並非單純事故引致，所以再次報警。
喺鄭仁巳經過世嘅時候，警方先至拘留涉嫌虐待兒童嘅領養父母。
虐待鄭仁嘅領養父母
鄭仁
鄭仁嘅領養父母原本巳經育有一名親生女，因為佢話想要個妹妹，所以就喺19年2月嘅時候，喺中途照顧機構領養咗當時只有七個月大嘅鄭仁。
領養之後，全家仲用出現喺電視節目度（上圖），但係鏡頭冇影到，領養之後大概一個月，養母就開始咗佢嘅虐待行為。
育兒所監視器畫面
公開鄭仁死亡之前一日嘅育兒所監視畫面嘅時候，就可以發現到當時嘅鄭仁已經出現咗異常。
老師嚐試餵鄭仁食嘢，但佢冇食到，只係飲咗一啖牛奶，而老師再捲起鄭仁嘅衫，睇到個肚好漲都嚇咗一跳，所以緊急聯絡咗鄭仁嘅養母，但當鄭仁嘅養母嚟到育兒所，就冇對鄭仁表示太多關心。
SBS節目《想知道真相》中嘅醫生一致表示，鄭仁當時嘅症狀已經係相當嚴重。
其中一位醫生更加提出質疑，腸已經裂開咗，入面嘅空氣走出嚟，係最痛嘅病徵，就連成年人都難以承受嘅痛苦，點解鄭仁當時冇扭計呢？
解釋鄭仁傷勢嘅醫生
另一位醫生就話，以醫學上嚟講呢個係「無情感狀態」，因為情感長期受到剝奪，當時嘅鄭仁已經處於冇任何感情嘅狀態，自然唔會扭計。
面對鄭仁身上嚴重嘅創傷，養母聲稱係鄭仁同大女喺梳化玩嘅時候，不小心跌咗落梳化造成。但醫生就話，鄭仁身上嘅器官損傷程度，絕對唔可能只係跌親咁簡單，而係經過蓄意重擊造成。
點解會冇人發現？
鄭仁被埋葬喺免費墓園
其實鄭仁嘅育兒所老師以及曾診治鄭仁嘅醫生，先前曾對鄭仁嘅傷存有疑慮，並報過警三次，但經警方調查之後，都以證據不足並信領養父母嘅口供以「無嫌疑」結案，錯過咗將鄭仁拯救出嚟嘅機會。
韓國女性律師會今日（4號）發表聲明，出生只有16個月嘅兒童喺長時間忍受痛苦之後，因胰臟破裂而死亡，但問題係，咁樣嘅悲劇唔係第一次；2020年6月，就發生咗一單兒童受到父母虐待，塞入旅行袋入面死亡嘅消息（相關報導請點我），呢個悲劇，並唔係只有發生喺鄭仁身上。
國民力量黨非常對策委員會
國民力量黨非常對策委員長，亦都喺緊急對策委員會會議上表示，鄭仁事件嘅揭露令好多國民感到憤怒，呢個唔單止係法律制度嘅整頓，仲要喺（社會福利）系統方面盡最大嘅努力，發揮政治圈需要改善嘅作用。
國民之黨代表安哲秀就喺最高委員會議上抨擊，並強調中央政府唔做，地方自治團體應該要採取更加積極嘅態度，同時主張同負責機關以及專家合作，改善相關系統，尋找陷入危險嘅小孩。
執政黨共同民主黨就表示將會進行立法，通過提高虐待兒童刑量嘅罰則，並公開施虐者嘅身分。
根據現行《虐待兒童處罰法》嘅規定，虐待兒童導致死亡，應判處5年以上有期徒刑或者係無期徒刑，但法院量刑委員會提出嘅勸告刑期爲4至10年。
共民黨最高委員亦都喺會議上發言表示，為咗防止有下一個鄭仁，應該將虐待兒童刑罰提高一倍，並公開加害者將身份。
鄭仁啊...對唔住...
韓國SNS開始出現咗一串連運動，好多人喺紙上面寫底「鄭仁啊，對唔住（#정인아 미안해）」，向年僅一歲幾嘅鄭仁表示歉意：係我哋啲大人對你唔住，嚟唔切帶妳睇多啲依個美麗嘅世界，感受人性將溫暖，妳就去咗天堂……
而演藝圈亦都出現咗好多響應，包括BTS Jimin、嚴正化、高素榮、韓惠珍、李允智、徐孝琳、韓彩雅、朴素談等人，都紛紛響應。
參與SBS《想知道真相》嗰集錄製嘅沈珍華、金元孝夫婦，亦都表示，「雖然我哋話要改變（修法），但需要好長嘅時間，要改變法律亦都冇咩力量，即使修咗法，可能亦冇妳想嘅嗰種大變化。但係妳生活緊嘅地方，唔好諗依啲，要笑住、幸福咁生活。下世再見面嘅話，叔叔買好嘢比你食」令好多網友不禁落淚。
✨馬上Follow我哋IG
instagram.com/creatrip.hk
| 其他延伸閱讀 | |
 gugudan解散 |  韓國人食飯文化 |
