Hello，大家好，我哋係由韓國人每日提供最新韓國旅行資訊嘅Creatrip。
單眼皮雖然成日俾人覺得好似細眼咁，但其實單眼皮都可以好有魅力，而且電力十足！當中大家又俾幾多個單眼皮韓星電到呢？我哋一齊繼續睇落去啦！
單眼皮男韓星
1. BTOB - 星材
雖然眼仔細細但就炯炯有神，雖然佢而家當緊兵，但大家都可以煲住佢今日演嘅《雙甲路邊攤》先。
2. WINNER - 昇潤
韓國好鍾意睇人外表嘅時候會幫佢判斷係（小）狗相、貓相、恐龍相等。而WINNER昇潤就有畀人覺得係北極孤、沙漠狐狸、小狗、小雞相等，唔知大家又覺得佢最似咩動物呢？
3. Highlight - 斗俊
唔單止唱得又跳得，就連演戲、綜藝都做得好好，完全係萬能！每次睇住佢食飯都好滋味，令人胃口大開！
4. BTS - Jin
雖然係單眼皮，但就眼仔碌碌，而且鼻樑好高，令唔少人都好羨慕。有可能下年就要入伍嘅Jin，係A.R.M.Y嘅你又會唔會唔捨得呢？
5. BTS - V
V唔單止外表吸引，就連佢嘅低沉溫柔聲線真係迷到唔少少女。佢喺今年仲發佈咗自己作嘅全首英文歌《梨泰院Class》OST，真係令人聽出耳油。
6. BTS - Jimin
釜山出身嘅Jimin，每一次聽到佢講方言，加上佢迷人嘅雙眼，真係好難唔畀佢電到。
7. Seventeen - Hoshi
喺舞台上嘅Hoshi，佢雙眼真係好似一隻老虎咁，但只要落咗台佢就變咗一隻小老虎，令人好想愛惜同保護佢。
8. Block B - P.O
因為《新西遊記》而更加多咗人去關注佢P.O，佢每一次做嘅反應都超可愛，眼仔細細但就電死人。
9. NCT - 志晟
志晟喺2016年8月以子團NCT Dream出道，係SM旗下年紀最細出道嘅藝人，所以唔少哥哥都好愛惜佢，雖然年紀細，但跳舞真係喜型超charm！
10. B1A4 - 燦多
小編一開始接觸Kpop，B1A4嘅歌小編幾乎每日都會不斷loop，當中最鍾意嘅成員就係燦多，除咗佢夠可愛之外，佢講方言嘅時候真係好可愛><。
11. EXO - Xiumin
EXO大哥終於喺今年12月6號退伍，佢之後仲有用V Live同大家見面，仲唱歌俾大家聽。溫柔嘅聲線，配上佢可愛嘅外表，心真係要融啦～～～
12. TXT - YEONJUN
作為BTS師弟，一出道已經受到大眾嘅目光，佢仲係TXT第一位公開嘅成員，1999年出生嘅佢已經係團入面嘅大哥，鼻樑高高，加上電力十足嘅單眼皮，有種鄰家男孩feel，令人忍唔住一直望住佢。
13. NU'EST - 旼炫
已經出現過太多次嘅旼炫，相信大家都知係小編嘅私心哈哈哈哈！
14. CRAVITY - 世琳
今年4月出道嘅CRAVITY，出道無耐已經受到好多人關注，因為有啲成員仲有出演過《Produce X 101》。世琳一出道無耐已經唔少人話佢似邕聖祐，大家又覺得似唔似呢？
15. DRIPPIN - 東玧
東玧曾經有參選過《Produce X 101》雖然未能成功以X1出道，而家身為DRIPPIN成員之一，希望佢哋都可以走上花路。
16. WEi - 錫華
錫華係WEi嘅主唱， 唔單止唱得又跳得，佢嘅一舉一動仲好可愛！
17. P1Harmony - JIUNG
JIUNG除咗係Vocal之外，仲識Rap，而且仲好跳得，喺隊入而係萬能！
18. BAE173 - 道賢
道賢相信大家都唔陌生，04年生嘅佢身高183cm，完咗X1之後佢而家再次BAE173喺上個月出道，小編都好期待佢哋之後嘅發展！大家又聽咗佢哋嘅新歌未呢？
小編都明白可能有好多大家心目中嘅pick冇上榜，小編會盡量再寫多啲唔同主題配合返大家嘅pick。希望大家會鍾意啦：）
如果有更多想知嘅內容，都可以隨時留言或者dm話俾我哋知：）
Instagram：creatrip.hk
