Hello，大家好，我哋係由韓國人每日提供最新韓國旅行資訊嘅Creatrip。
喺韓國去邊間Cafe，好多韓國人都係必叫凍美式咖啡，無論夏天定冬天、朝早定下晝，韓國人幾乎係一人拎一杯，大家有冇諗過點解韓國人咁鍾意飲凍美式咖啡？今日我哋就嚟睇吓韓國人鍾意飲凍美式咖啡背後有咩原因。
點解韓國人鍾意飲凍美式咖啡？
喺韓國每一間Cafe凍美式咖啡都係最基本嘅飲料，價錢方面，每間都唔同，大部份嘅售價都唔貴，最平甚至可以去到990won（唔使7蚊港幣）。
如果你唔知道咩係凍美式咖啡，其實就即係唔落糖唔落奶，淨係100%由濃縮咖啡同冰加埋一齊組成，對於韓國人嚟講，美式咖啡嘅特式就係「無味」，對於香港飲唔慣嘅人嚟講，可能覺得係咖啡豆嘅水。
至於韓國人點解鍾意飲新鮮咖啡，其實大家都可以猜測到，好多韓國人每日朝早同晏晝加埋會飲兩杯凍美式咖啡，每杯咖啡嘅咖啡因濃度太高對健康嚟講唔好，所以韓國人就要搵啲溫和啲嘅方法飲用，令每日攝入嘅咖啡因含量唔會太高。
不過最令人驚訝嘅係，無論天氣凍定熱，大多數韓國人都會揀凍美式咖啡，唔通凍美式咖啡就係韓國嘅國民飲品？等我哋睇吓到底係咩原因令韓國人咁鍾意飲凍美式咖啡。
1. 解渴
大家有冇試過口渴嘅時候覺得飲溫水唔夠解渴，一定要飲啲凍水令個人精神啲呢？如果你有試過呢種經歷，咁你應該可以理解到韓國人飲凍美式咖啡嘅諗法。同韓國人食嘢嘅時候可能會俾人問"얼죽아를 왜 좋아해?"，意思就係問你點解鍾意食凍嘅食物。
好多人就解釋因為"열 받을 일이 많아서"，意思即係因為成日有令自己好火滾嘅事發生。食凍嘅嘢就可以令自己個人冷靜啲幫助下火，而咀嚼啲冰仲會令人放鬆。
2. 因為好忙
同香港一樣，韓國嘅生活速度都係好匆忙，所有嘢都講求要快，而美式咖啡就係一種方便又快捷嘅飲品，一杯平均唔使整超過2分鐘，如果一間Cafe有好多客人，都唔會超過5分鐘。咁就好適合無論係讀書定係做嘢嘅韓國人，得好少休息時間，但就可以買到一杯又快又提神嘅凍美式咖啡。
3. 口味差異
韓國之前都有其他國民飲品，就好似Barley Tea（보리차）、飯焦水（누룽지）、米水（숭늉인），不過之後就開始流行飲有奶嘅咖啡即係latte。
美式咖啡嘅味道苦中帶酸，對於韓國人嚟講係一種好新奇嘅味道，因為美式咖啡嘅口味同以前飲過嘅飲品唔同，令佢變成而家最熱門嘅選項，韓國人去Cafe都會優先考慮飲佢。
4. 年齡問題？
大家有冇留意到大部份飲凍美式咖啡嘅人都係青少年或中年人？所以凍飲嘅餐牌已經變成「年輕人餐牌」，凍美式咖啡喺年輕人當中就好受歡迎，仲有啲新造詞出現，例如「얼죽아(Alljuka)」、「아아(ah ah)」。
5. 無咁凍嘅冬天
全球暖化問題令到韓國冬天都已經冇以前咁凍，落雪嘅頻率低咗，唔少韓國人都覺得天氣唔再咁凍，所以對於韓國人嚟講，冬天飲凍美式咖啡同其他季節嘅分別都唔大。
唔單只因為天氣問題，再加上喺韓國唔少地方或者建築物都有暖氣系統，有啲建築物室內氣溫同夏天一樣，所以已經唔需要嗌熱咖啡幫自己取暖。
以上就係韓國人鍾意飲凍美式咖啡嘅原因，大家有冇飲過呢？歡迎喺下面留言同小編分享覺得係咪真係咁「無味」～
如果有更多想知嘅內容，都可以隨時留言或者dm話俾我哋知：）
Instagram：creatrip.hk
