Hello，大家好，我哋係由韓國人每日提供最新韓國旅行資訊嘅Creatrip。
相信嚟到韓國嘅大家都會見到有好多特色嘅韓國品牌，咁大家又知唔知道其實有好多韓國嘅本地品牌都係源自大邱嘅呢？今日小編就要盤點呢一啲大邱起家嘅品牌，一齊嚟睇下啦！
韓國大邱起家品牌
1. 橋村炸雞（교촌통닭 1호점）
- 地址：경북 구미시 송원동로 41
- 時間：12:00 - 00:00
橋村炸雞起家係喺大邱附近龜尾市，呢度亦都係橋村連鎖品牌店1號店，唔知道大家有冇見過現代化又富有傳統感覺嘅橋村呢？大家之後有機會都記得要一定嚟參觀啊！
2. Hosigi 2隻炸雞（호식이 두마리 치킨）
Hosigi 兩隻炸雞都係韓國人氣炸雞品牌之一，品牌理念就係「以一隻雞嘅價格，食到兩隻炸雞」，非常之出名！如果想試Hosigi兩隻炸雞，一定要試下佢哋嘅醬油炸雞，係呢間舖嘅招牌，同橋村炸雞一樣咁有水準！
3. Mexican炸雞（맥시칸 치킨）
Mexican炸雞自從1986年開業之後，一直被認為喺炸雞店開品牌始祖。
呢個品牌比橋村更加歷史悠久同埋有獨創性，深深受到好多人鍾意嘅炸雞品牌，而呢個品牌都係喺大邱起家㗎！
4. 起家雞（처갓집）
起家雞係小編最鍾意嘅炸雞品牌，佢都係喺大邱起家嘅，所以嚟到大邱嘅大家一定要試下呢個本地炸雞品牌！
呢個牌子嘅炸雞都相當出名，香港都有分店添！
、
5. SINJEON 辣炒年糕（신전 떡볶이）
- 地址：대구 북구 칠성로17길 13
- 時間：10:00至22:30
- 菜單：辣炒年糕₩3,000；炸魚板₩1,000；血腸₩3,500
SINJEON 辣炒年糕係全韓國相當知名嘅連鎖品牌，佢都係喺大邱起家，亦成功咁樣將商業版圖推廣到其他地區。嚟到大邱，一定要去呢一間辣炒年糕嘅舖頭，又平又大碗真係大邱美食嘅首選！
大家睇下呢個芝士拉絲，係咪好吸引呢？小編建議大家如果嚟呢度，可以點佢哋嘅炸魚板，配埋辣炒年糕嘅醬汁真係絕配！
6. SINJEON博物館（신전 박물관）
- 地址：대구 북구 관음로 43
- 時間：星期三至星期日12:00 - 17:30
- 費用：每人₩10,000
正如小編提到嘅，SINJEON係大邱起家，所以佢哋都喺呢度開咗「SINJEON博物館」。喺呢度可以品嚐到道地嘅辣炒年糕，同時都可以DIY辣炒年糕嘅杯，適合鍾意有得食又有得拎嘅朋友，而且都有辣炒年糕即食包可以攞走啊！
7. 近代胡同紅豆麵包（근대골목단팥빵）
- 地址：대구 중구 남성로 60
- 時間：09:00 - 20:00
- 菜單：麵包₩3,000起
近代胡同紅豆麵包係韓國人認可嘅「三大麵包店」之一，好多鍾意食麵包嘅韓國人都會買呢個品牌。
特別係呢個紅豆麵包，好食之餘一咬落去全部都係cream同埋紅豆，真係好幸福！
大家有冇食過大邱嘅麵包呢？你哋又認為邊間最好食呢？
8. 三松麵包（삼송빵집）
- 地址：대구 중구 중앙대로 397
- 時間：08:00 - 21:00（咖啡廳）；麵包店營業至22:00
講到近代胡同，當然唔少得另一間相當出名嘅大邱起家品牌「三松麵包」，獨特嘅麻藥粟米包，真係令人有上癮嘅感覺。小編嘅人個就鍾意三松麵包多啲，但對韓國人嚟講呢兩間都係不分上下！
9. MIES CONTAINER（미즈컨테이너）
- 地址：대구 수성구 수성못6길 10 2F
- 時間：12:00 - 22:00
由大邱起家嘅MIES CONTAINER，係一間韓式創意料理店，現代嘅內部裝修真係好吸引！小編點咗「Hi-Five」芝士Pizza，呢個亦係MIES CONTAINER嘅招牌菜，有四種唔同嘅味道。喺呢道菜入面，可以品嚐到薯仔、芝士、煙肉同埋牛肉等口味，食落口感真係好豐富，推薦大家嚟大邱嘅時候都要試下啊！
唔單止喺大邱，韓國各地都有MIES CONRTAINER 嘅分店㗎！大家之後都可以去試下！
以上就係大邱起家嘅韓國品牌盤點，有好多都係美食！如果冇聽過呢啲品牌都唔緊要，可以mark低佢下次去試啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
