Hello，大家好，我哋係由韓國人每日提供最新韓國旅行資訊嘅Creatrip。
相信大家對於芫茜都唔陌生，喺亞洲地區好多唔同國家嘅菜入面都會加入芫茜一齊煮。不過小編就發現，大部份嘅韓國人都好抗拒芫茜。喺韓國菜入面，唔止芫茜，就連蔬菜都好少會見到。到底韓國人係唔鍾意食芫茜，定係連蔬菜都唔鍾意食呢？
韓國人都好憎芫茜？
荽茜喺韓文入面有「長壽」(고수)嘅意思，喺好多唔同嘅亞洲菜式入面都會用到芫茜落去調味同埋一齊煮。不過對於韓國人嚟講，芫茜係一樣佢哋好唔鍾意嘅食物。佢哋每去一個國家旅行，都一定會學一句「唔要芫茜」嘅當地語言。
喺韓國菜入面，好多調味料都係重口味嘅，但點解韓國人佢哋連重口味嘅食物都可以食到，就係大部份人都好唔鍾意食芫茜呢？
雖然韓國人好唔鍾意食芫茜，但都唔代表佢哋係唔鍾意食蔬菜。因為喺韓國嘅伴菜文化入面，好多唔同嘅小菜都係用菜嚟整，就好似大家一講韓國就會諗起嘅泡菜。對於一啲鍾意食芫茜嘅人嚟講，只要食一啖就會停唔到口，但係對於一啲唔鍾意食嘅人來講，只要見到或者聞到就會擰晒頭。
相信唔少人都會知道韓國菜係唔會有就咁嘅菜式。喺韓國嘅餐廳，基本上係唔會見到好似香港菜咁樣嘅小炒，所以佢哋都唔會就咁煮菜嚟食。佢哋通常都係會喺食烤肉嘅時候用生菜包住嚟食，又或者佢哋會用一啲菜去整小菜。呢一個都係韓國飲食嘅其中一個特別嘅文化。
相信唔止韓國人，好多香港嘅大家都係唔食芫茜。不過，近嚟香港有好多唔同嘅零食或者嘢食都推出咗芫茜口味。唔知唔食芫茜嘅大家又有冇勇氣去試一啖呢？經過呢一篇Blog之後，大家又對韓國人有冇多咗了解呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
