Hello，大家好，我哋係由韓國人話你知每日最新資訊嘅Creatrip。
講到韓國燉雞，大家係咪第一個會諗到嘅就係「安東燉雞」呢？不過其實韓國係有好多唔同種類嘅燉雞，其中最出名嘅就係黑色醬料嘅燉雞。大家知唔知其實清淡嘅「一隻雞」其實都算係韓國燉雞嘅一種呢？究竟燉雞係點樣發展嘅呢？或者其實韓國有咩種類嘅燉雞呢？等小編同大家介紹下啦！
韓國有邊啲燉雞？
韓國燉雞料理就係將雞肉剁成一細塊，放入醬料、蔬菜等等一齊炒，炒得好入味之後就可以配埋白飯一齊食。其實唔同嘅家庭都可以有唔同嘅煮法，好似市面上都有好多款唔同嘅燉雞，例如安東燉雞、船尾燉雞、清燉雞等等，甚至係一隻雞都可以係燉雞嘅一種。其實煮燉雞嘅時候必備嘅材料有薯仔、紅蘿蔔、洋蔥同埋雞肉。有一啲人仲會加埋年糕同埋冬粉一齊煮，大約滾20幾分鐘，等到雞肉入味就可以㗎啦！
而辣燉雞就係加咗好多辣醬，一隻雞就係用原味嘅湯煮，已安東燉雞就係用醬油同埋砂糖一齊返炒成嘅醬汁。喺韓國咁多種嘅燉雞之中，最出名嘅就係一隻雞同埋安東燉雞，唔知大家最鍾意邊種呢？
安東燉雞嘅由來
喺燉雞調理之中，唔知大家知唔知最出名嘅安東燉雞肉係點嚟嘅呢？第一個講法就係喺朝鮮時代，住喺城牆裏面嘅士大夫會係特別嘅日子整燉雞嚟食，呢一度條呢就係喺城牆裏面嘅安東先可以食到，其他市民都冇辦法品嚐呢一味料理，所以就被命名為安東燉雞啦！
另外一種比較多人講嘅講法就係係七八十年代嘅安東因為興起炸雞嘅熱潮，而佢哋有將雞肉加入面、薯仔、蘿蔔、醬油、同埋糖等等嘅料理一齊食，慢慢演變成今日嘅安東燉雞。
一隻雞嘅由來
一隻雞嘅由來其實係相當難界定，大致係1970年代喺首爾嘅一間餐廳傳開，唔少想食清燉雞嘅人就會嚟呢度食。唔少想食清燉雞嘅人都會問人哋一隻雞喺邊啊？所以久而久之就就咁叫一隻雞啦！不過一隻雞同清燉雞都係有分別，其實主要都係以唔同嘅部位嚟煮，清燉雞通常會將雞肉先斬斷然後煮，一隻雞就係將成隻雞丟落去，等差唔多熟先剪成一嚿嚿嚟食。
因為一隻雞係將全隻雞丟落去煮，所以對於一個人食飯嘅人嚟講份量有啲多，所以就有半隻雞嘅料理出現啦！
一隻雞其實對首爾嚟講有好重大嘅意義，因為算係首爾嘅當地發展美食之一。喺首爾發展成而家嘅樣貌之前，所以曾經係俾佢夾係京城之外，而大部份人食嘅嘢雖然被稱為係首爾嘅食物，但嗰啲都係士大夫階級嘅人先可以食，真正屬於平民嘅首爾美食就相當之少。而呢一樣嘢食就係真正嘅首爾美食，對當時嘅人來講都有好大嘅意義。
其他特別燉雞料理
韓國嘅燉雞除咗有「安東燉雞」同埋「一隻雞（清燉雞）」之外，都演變咗好多唔同嘅燉雞料理，唔知大家食過邊啲呢？例如加咗大量蒜頭同埋泡菜高湯嘅「蒜味燉雞」偏辣，食起嚟味道更加香濃，而且配飯一流！
另外，韓國都有好多特色燉雞料理，例如加咗芝士同埋炸物一齊食嘅燉雞料理，甚至係辣味燉雞或者燉海鮮等等，都好吸引！
咁多「燉雞」料理當中，小編最鍾意都係安東燉雞，覺得好似香港食到嘅豉油雞！唔知大家又最鍾意邊款呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
