Hello，大家好，我哋係由韓國人話你知每日最新韓國資訊嘅Creatrip。
#韓國 #歌曲
#性暗示歌？#最近韓國大熱
韓國其實有唔少歌聽落去好R&B，有時唔留意歌詞真係唔知原來唱到咁露骨，當中仲有啲係加咗少少性暗示添。
今日小編再為大家介紹多5首韓國「性暗示歌」，當中當中又會聽過幾多首呢？
✨馬上Follow我哋IG
instagram.com/creatrip.hk
5首韓國「性暗示」歌曲
1. Zico - Eureka (Feat.Zion.T)
可能因為歌詞太露骨，韓國要成人認證先可以睇到呢條片
Zico每一次出嘅新歌，好似「Any Song」、「Summer Hate」，都會成為Challenge Song，唔知大家又有冇挑戰過呢？
小編無耐前先聽返Eurekau嘅歌，仔細睇歌詞....當中真係有唔少性暗示。
好似當中有句「Monday to Sunday 同你喺埋一齊 Sexy，唔單止今晚，聽晚都係」、「真係好想摸下你，我褲入面嘅感嘆號。」
其實話佢係性暗示...其實都講到幾露骨…
2. EXO - Ko Ko Bap
唔知大家平時有冇聽開EXO嘅歌呢？
小編雖然唔係EXO Fans，但都會間唔中聽下佢哋啲歌。
好記得Ka Ko Bap呢首歌一出無耐，唔少人都話同EXO以往風格好唔同。
當然小編都有聽下啦，當中有留意到歌詞..原來都有性暗示。
好似當中有句「唔好緊張嚟啦，將你嘅一切都交畀我」、「慢慢解開束縛，唔好理其他人嘅眼光」。
3. Crush - Oasis (Feat. ZICO)
Crush係多數唱R&B同Hiphop嘅歌手，基本上小編每一首都會聽，因為佢嘅聲線實咗太吸引。
不過當中大家又估唔估到佢有一首性暗示歌呢？
當中有好幾句歌詞係「仲未到夜晚已經好想繼續落去」、 「我會帶你去天堂body to body」等等。
4. GARY - SHOWER LATER
自從Gary無再拍〈Runningman〉諗住向音樂發展，直到呢段時間同仔仔Hao一齊拍住上〈超人回來了〉
Fans都好開心，早幾日RM YouTube亦都有播Gary最後一集嘅小片段，唔少人都諗到底Gary係唔係準備會返RM。
可能有啲人一開始都唔知Gary係歌手，但佢其實係一個唱作歌手，當中有過唔少淫歌。
呢首歌比起話係性暗示，應該話佢好多都太直接，MV都係太過Sexy... 小編真係唔太敢譯畀大家睇。
5. MINO - BODY
大家只睇歌名係唔係都有feel到啲咩呢？
當中有句歌詞就係講「好掛住你個身體，令人心掛掛嘅聲音」、「我掛住你個身體，掛住你雙腳」
唔知大家睇完又覺得會唔會太過呢？
以上5首「性暗示歌」，唔知大家又聽過幾多首呢？
有時唔留意歌詞真係唔知係寫到咁露骨，大家又會點睇呢？
✨馬上Follow我哋IG
instagram.com/creatrip.hk
其他延伸閱讀 | |
 韓國「賤男」歌曲 |  韓國「性暗示」歌曲(1) |
