Hello，大家好，我哋係由韓國人話你知每日最新韓國資訊嘅Creatrip。
#黑白自拍館 #回憶
#家族照片 #友情照片 #情侶照片
相片係留住回憶最好嘅方法！韓國近年就好大熱呢一個黑白自拍館，你又知唔知？
㩒個制就可以留低嗰一刻最美好嘅回憶，呢個自拍館好受朋友、家族同埋情侶歡迎㗎！
✨馬上Follow我哋IG
instagram.com/creatrip.hk
韓國黑白自拍館
以前同朋友或者情侶出街想留低嗰一日嘅美好回憶，都會選擇去影貼紙相，但好可惜香港嘅貼紙相舖頭幾乎都已經執咗笠。
當年喺部貼紙相機入面咁細嘅空間，可以一大班人擺甫士影相，真係一個有時代感嘅回憶！
另外，幾年前自拍館喺香港都大熱一時，租咗間自拍室就可以喺限時內不停換道具同背景咁樣不停影相，相信當時大家都玩得好開心！
而近年韓國就流行一間舖頭係結合左貼紙相機同自拍館嘅模式，就係今日小編想介紹嘅「黑白自拍館」啦！
呢個黑白自拍館喺韓國已經開業咗兩年，吸引咗唔少韓國藝人去玩㗎！
就好似宋智孝、RV嘅Seulgi、IZ*ONE、iKON、WINNER等等。
佢哋有啲都會帶埋自己屋企嘅寵物一齊去影，同寵物一齊用相片留低回憶。
自拍館嘅總店喺韓國新沙洞，總店嘅設計唔係一部機，而係一間房嚟嘅。
喺影相嘅時候會有一個屬於自己嘅空間，而相機會連接着一個遙控器，只要咁一下個制就可以將嗰一刻影低落嚟。
過程之中想擺乜嘢甫士都唔會有人阻止你，亦唔會有其他人望住，喺限時之內想點樣影都可以，完全唔會怕尷尬。
平時自己一個影相都會驚尷尬，但係呢一個自拍館除咗同一大班人影之外，唔少韓國人都會選擇自己一個人去影㗎！
除咗影人之外，呢間Studio仲好Pet Friendly㗎！
佢哋好歡迎客人帶埋自己心愛嘅寵物一齊去影相，所以唔少人都會專程帶埋自己嘅貓貓狗狗一齊去，同佢地一齊影返輯靚相！
佢哋唔係得一間係新沙嘅總店，仲有好多流動式嘅自拍機喺韓國唔同嘅地方。大家之後如果嚟韓國旅行嘅時候，有興趣都可以預約去影相啊！
Photomatic 포토매틱
官網：https://www.photomatic.co.kr/
地址：首爾市江南區新沙洞520
✨馬上Follow我哋IG
instagram.com/creatrip.hk
| 其他延伸閱讀 | |
 弘大Selpix |  韓妹愛用菲林相機 |
