Hello，大家好，我哋係由韓國人話你知每日最新資訊嘅Creatrip。
上次應承咗大家會再介紹多一間「一人燒肉店」。今次離首爾近啲，而且最特別嘅係呢間比起食豬肉，更推牛肉同雞肉。如果同小編一樣都係食肉獸嘅大家，咁就要繼續睇落去啦！
解放村 「Hongo」 介紹
地址： 서울 용산구 신흥로 89 1층 혼고
小Tips：綠沙坪站2號出口行大約21分鐘；或者搭小區巴士02號上去
營業時間：平日18:00 - 01:00、週末 17:00 - 01:00 、逢星期二休息
入到去店面唔算大，不過就好有格調同氣氛，一次最多可以坐大約15人左右。
入到去如果大家有太多行李，可以放喺最左邊。老闆仲會好貼心咁有衣架畀大家掛衫，同放袋嘅空間。
揀好位坐之後，大家就可以睇menu揀食邊款，晚餐時間至少每人都要叫一份肉。小編去之前都有做功課上網search下，Naver網都話呢度最主打係Single set同Double Set，所以小編好快就落咗order叫Single set。而且呢到選肉嘅牛肉，全部都係black angus同CAB等級以上。提提大家，Today's beef每日都會唔同，老闆會揀當日最新鮮嘅肉提供畀大家，所以每一次去都會有驚喜。
落完單之後，等一陣老闆會先畀定小菜同燒好嘅芝士。每舊都燒到金黃色，完全係入口即融。
大家可能會諗，明明Single Set有啤酒同雞肉，點解上檯會變哂牛？因為咁啱當日雞肉賣哂，而且小編本身唔太飲酒，老闆話可以任改，唔飲酒可以轉肉或其他飲品。當日小編除咗有本身嘅牛肉之外，仲有當日精選牛肉 (板腱肉)。
老闆話要燒得好，只要見到一邊有肉汁出現就要翻，咁樣就係至好食。因為本身肉已經有黑椒去調味，所以唔需要另外加鹽都好入味。
配芝士一齊食嘅感覺真係好正...入口即融，而家諗返起都想再食多次。
另外，小編仲用咗呢度嘅小菜一齊包嚟食，以外地紫蘇菜+牛肉+醃洋蔥+韭菜真係好夾！
其實一個人食燒肉都可以好享受，完全一個好體驗。之後嚟韓國不妨可以試下 ：）
如果有更多想知嘅內容，都可以隨時留言或者dm話俾我哋知：）
Instagram：creatrip.hk
